សង្គម | Khmer-note.com

សង្គម Archive

សំណាងមែន! ចាក់មួយដៃ៣ម៉ឺនដុល្លារជាង ឈ្នះវិញ៣លានដុល្លារកន្លះ (មានវីដេអូ)

អ្នកជំនួញជនជាតិប្រេស៊ីលម្នាក់ បានក្លាយជាមនុស្ស ដែលមានសំណាងបំផុតមួយរូបក្នុងដើមឆ្នាំ២០១៧នេះ បន្ទាប់ពីគាត់បានឈ្នះការភ្នាល់ល្បែងមួយក្នុងកាស៊ីណូជាមួយនឹងទឹកប្រាក់ ៣,៥លានដុល្លារអាមេរិក។ បុរសសំណាងខាងលើនេះមានឈ្មោះថា Pedro Grendene Bartelle ជានាយកក្រុមហ៊ុន ផលិតស្បែកជើង Vulcabras-Azaleia។ គាត់បានទៅស្នាក់នៅក្នុងសណ្ឋាគា Conrad ដែលស្ថិតនៅតាមបណ្តោយឆ្នេរសមុទ្រអ៊ុយរ៉ាហ្គាយ ហើយក្នុងអំឡុងពេលស្នាក់នៅនោះគាត់បានទៅលេងល្បែងនៅក្នុងកាស៊ីណូមួយកន្លែង ពេលនោះគាត់បានយកប្រាក់ ៣៥,០០០ ដុល្លារអាមេរិកទៅធ្វើការភ្នាល់ល្បែងមួយ ហើយពេលគាត់ឈ្នះការភ្នាល់នោះតែមួយលើកគឺគាត់អាចទទួលបានប្រាក់រហូតដល់ទៅ ៣,៥ លានដុល្លារអាមេរិក។ ក្នុងវីដេអូគេបានឃើញមានមនុស្សជាច្រើនៅជុំវិញគាត់ និងបានអបអរគាត់ពេលដែលគាត់បានឈ្នះការប្រកួតមួយនោះ។ សូមបញ្ជាក់ថាបុរសមានសំណាងខាងលើនេះ គឺជាក្មួយប្រុសរបស់មហារសេដ្ឋីប្រេស៊ីលម្នាក់ឈ្មោះ Alexandre Bartelle

ធ្លាយការពិត! គ្លីនិកព្យាបាលដោយឱសថបុរាណចិន មានលួចលាក់បម្រើសេវាកម្មពិសេស

មានគ្លីនិកព្យាបាលដោយឱសថបុរាណរបស់ចិនជាច្រើន កំពុងបើកដំណើរការនៅក្នុងបណ្តា ប្រទេសជាសមាជិកអាស៊ាន។ នៅលើស្លាកយីហោរបស់គ្លីនិកទាំងនោះបានសរសេថា មាន ទទួលម៉ាស្សា បូមខ្យល់ និងព្យាបាលដោយម្ជុលវិទ្យាសាស្ត្រតាមបែបបុរាណចិន។ តែជាក់ស្តែង ការសិក្សាមួយរកឃើញថា គ្លីនិកព្យាបាលដោយឱសថបុរាណចិនមួយចំនួនក្នុងប្រទេសសិង្ហបុរី មានលួចលាក់បម្រើសេវាកម្មផ្លូវភេទដែលវាជាទង្វើខុសនឹងច្បាប់របស់ប្រទេស។ ការចុះសង្កេត បានរកឃើញថា ក្នុងគ្លិនិកទាំងនោះគ្មានវេជ្ជបណ្ឌិតទេ តែជំនួសមកវិញគឺមានសុទ្ធតែស្រីស្អាតៗ ស្លៀកខ្លីរង់ចាំបម្រើសេវាផ្លូវភេទទៅវិញ។ ព័ត៌មាននេះអាចជាសារព្រមានមួយសម្រាប់ប្រជាជន ទូទៅដែលនិយមប្រើប្រាស់វិធីព្យាបាលតាមគ្លីនិកដូចប្រភេទខាង ឲ្យមានការប្រុងប្រយ័ត្នខ្ពស់ ចៀងវាទៅខុសកន្លែង និងអាចប្រឈមនឹងការបង្រ្កាបពីសំណាក់អាជ្ញាធរនាំឲ្យខ្មាស់គេ៕ ភក្តី ខ្មែរណូត

ទុកលំបាកបូករួមជាមួយនិងទឹកភ្នែកអ្នកដឹកជញ្ជូនម្ហូបអាហារម្នាក់នៅក្នុងប្រទេសចិន

ប្រជាជនចិនប្រហែល 150លាននាក់សុទ្ធតែធ្លាប់មានបទពិសោធន៍ទទួលបានការផ្ដល់សេវាដឹកជញ្ជូនពីអ្នកដឹងជញ្ជូនអាហារ តែពួកគេមិនដឹងថាជីវិតពិតរបស់អ្នកដឹកជញ្ជូនម្ហូបអាហារលំបាកយ៉ាងណាទេ។ តាមសម្ដីបុរសម្នាក់ឈ្មោះ Zhou Wu (ឈ្មោះនេះមិនមែនជាឈ្មោះពិតប្រាកដរបស់គាត់ទេគ្រាន់ជាឈ្មោះហៅក្រៅ) បាននិយាយរៀបរាប់ទាំងមានទឹកភ្នែកស្រក់ថា គាត់ពិតជាពិបាកខ្លាំងណាស់ក្នុងអាជីពជាអ្នកដឹកជញ្ជូនដោយត្រូវជិះចុះឡើងជាមួយម៉ូតូអគ្គីសនីរបស់គាត់ គាត់គ្មានពេលទំនេរច្រើនទេដោយសារតែប្រទេសចិនជាប្រទេសដែលមានប្រជាជនច្រើន ហើយអាត្រាអ្នកកម្មង់ម្ហូបក៏ច្រើនតាមហឹ្នងដែរ។ គាត់បានបង្ហាញស្លាកស្នាមនៅលើដៃខាងស្ដាំគាត់ គាត់បានជួបប្រទះគ្រោះថ្នាក់ចរាចរណ៍កាលពីឆ្នាំ 2015 ពេលកំពុងដឹកជញ្ជូនម្ហូបទៅអោយភ្ញៀវ។ មូលហេតុដែលនាំអោយគាត់ជួបគ្រោះថ្នាក់ចរាចរណ៍ ដោយសារតែគាត់ប្រញាប់ដឹកជញ្ជូនម្ហូបអោយភ្ញៀវ។ បុរសដែលមកពីខេត្ត Hebei បានបន្ដប្រាប់ទៀតថា ពេលដែលគាត់បានជួបគ្រោះថ្នាក់ចរាចរណ៍គាត់មិនហ៊ានប្រាប់ខាងក្រុមហ៊ុនថាគាត់ជួបគ្រោះថ្នាក់ចរាចរណ៍ឡើយព្រោះខ្លាចក្រុមហ៊ុនផាកពិន័យ គាត់ខ្វះខាតថវិកាខ្លាំងគ្មានលទ្ធភាពសំរាប់ព្យាបាលជំងឺគាត់។ គាត់ត្រូវធ្វើការដើម្បីចិញ្ចឹមជីវិតគាត់និងផ្ញើប្រាក់បន្តិចបន្តូចទៅគ្រួសារគាត់នៅឯស្រុក។ ក្នុងមួយថ្ងៃគាត់ត្រូវធ្វើការ 8ម៉ោង ក្នុង1ម៉ោងត្រូវដឹកជញ្ជូនទៅកន្លែងផ្សេងៗគ្នាចំនួន 8 កន្លែង ជាពិសេសគាត់ត្រូវជិះកាត់ភ្លៀង

គ្រាន់តែរយៈពេល៦ខែ ៦ពាន់នាក់ស្លាប់ និងជាង៩០ម៉ឺនចូលគុក ដោយសារករណីគ្រឿងញៀននៅហ្វីលីពីន

រដ្ឋាភិបាលភីលីពិនបានអះអាងថា ខ្លួនបានទទួលជ័យជំនះលើសង្រ្គាមបង្រ្កាបគ្រឿងញៀន បន្ទាប់ពីស្ថានភាពនៅក្នុងប្រទេសហាក់មានសភាពស្ងប់ស្ងាត់ មានសុវត្ថិភាព និងគ្មាន បទឧក្រិតដែលជាប់ពាក់នឹងគ្រឿងញៀន។ ក្នុងយុទ្ធនាការបង្រ្កាបគ្រឿងញៀន ដែលស្ថិតក្រោមការដឹងនាំរបស់លោកប្រធានាធិបតី Rodrigo Duterte ក្នុងរយៈពេល៦ខែកន្លងមកនេះ មានឧក្រិដ្ឋជនគ្រឿងញៀន៦,០០០នាក់ត្រូវបានសម្លាប់ដោយក្រុមប៉ូលិស និងដោយតុលាការប្រជានជន។ ជាងនេះទៅទៀតមានអ្នកប្រើប្រាស់គ្រឿងញៀនជាង ៩០០,០០០ នាក់ បានសូមចុះចាញ់ និងប្រគល់ខ្លួនឲ្យប៉ូលិសចាប់ខ្លួន។ យ៉ាងណាក៏ដោយ រូបភាពថ្មីមួយបានកើតមានឡើងគឺសាកសពរបស់ជនរងគ្រោះ នៅដេកពេញដងផ្លូវ ដែលមើល ដូចជាសូវល្អទាល់តែសោះ។ លោក Ernesto Abella អ្នកនាំពាក្យរបស់ រដ្ឋាភិបាលបានឲ្យដឹងថា

ខ្លោចចិត្តស្រក់ទឹកភ្នែក!លោកតាកំសត់វ័យ៨០ ទទួលបន្ទុកមើលថែកូនប្រុសដែលកើតជម្ងឺគ្រុនស្វិតដៃជើងអស់ជាង ៥០ឆ្នាំហើយដោយមិនដែលគិតថានឹងទុកកូនចោលនោះទេ

ប្រទេសចិន៖ នៅក្នុងក្រុង Zhejiang រឿងរ៉ាវរបស់លោកតាអាយុ ៨០ឆ្នាំម្នាក់បានធ្វើឲ្យមនុស្សជាច្រើននាក់ហូរទឹកភ្នែកមិនដឹងខ្លួនដោយសារតែលោកតាកំសត់រូបនេះបានធ្វើការមើលថែកូនប្រុសកើតជម្ងឺគ្រុនស្វិតដៃជើងរបស់គាត់អស់រយះពេលជាង ៥០ឆ្នាំ ហើយមិនដែលមានគំនិតថានឹងចង់បោះបង់កូនម្តងណាឡើយ។ លោកតាកំសត់រូបនេះមានត្រកូល Qian បានធ្វើការមើលថែកូនប្រុសរបស់ខ្លួនតាំងតែពីពេលកើតមករហូតមកដល់ឥឡូវជាង ៥០ឆ្នាំហើយ។ គាត់បានរៀបរាប់ទាំងទឹកមុខក្រៀមក្រោះថា ពេលកូនប្រុសរូបនេះកើតមកបានទើបតែ ១សប្តាហ៍ក៏កើតមានអាការះក្តៅខ្លួនខ្លាំងធ្វើឲ្យដៃជើងប្រែជាស្វិតអស់កម្រើកលែងកើតហាក់ដូចជាអ្នកពិការយ៉ាងអញ្ចឹង។ ចាប់តាំងពីពេលនោះមក គាត់មើលថែកូនប្រុសរូបនេះរហូតដោយមិនដែលគិតថានឹងទៅចោលកូននោះទេរហូតដល់កូនមានអាយុ ៥០ឆ្នាំជាងទៅហើយ ម្យ៉ាងទៀតប្រពន្ធរបស់គាត់បានទទួលរងគ្រោះពីជម្ងឺលើសឈាម និងជម្ងឺបេះដូងជាហេតុធ្វើឲ្យគាត់ជួយមើលកូនមិនបាននោះទេ ដូចនេះបន្ទុកទាំងអស់ក៏ត្រូវបានធ្លាក់មកលើគាត់តែម្នាក់ឯងដោយគាត់ត្រូវធ្វើការរកលុយផង ត្រូវមើលថែកូន និងប្រពន្ធផងដែលវាមិនមែនជារឿងងាយស្រួលនោះទេ។ គាត់បានបន្តថាក្នុងកំឡុងពេលធ្វើការ គាត់បានជួបគ្រោះថ្នាក់ដាច់ម្រាមដៃអស់បីម្រាម ហើយប៉ុន្មានឆ្នាំក្រោយមកក៏ត្រូវរបួសខ្វាក់ភ្នែកខាងឆ្វេងម្ខាងទៀតសល់តែខាងស្តាំ តែពេលនេះគាត់ចាស់ហើយធ្វើឲ្យភ្នែកមួយចំហៀងរបស់គាត់នោះមើលមិនឃើញច្បាស់ដូចមុននោះទេប៉ុន្តែគាត់នៅតែខិតខំត្រដរធ្វើការ និងមើលថែប្រពន្ធកូនដដែល។ អ្នកជិតខាងធ្លាប់ប្រាប់ឲ្យគាត់យកកូនដែលកើតគ្រុនស្វិតដៃជើងនោះទៅដាក់ចោលនៅមណ្ឌលកុមារកំព្រាឲ្យគេមើលថែផងដែរប៉ុន្តែគាត់មិនព្រមទេដោយគាត់ប្រាប់ថានឹងមើលថែកូនគាត់នេះផ្ទាល់ដៃរហូតទាល់តែគាត់លាចាកលោកទៅ។

កុំចេះតែហ៊ាន!សាហាយជាមួយប្តីគេ ប្រពន្ធគេតាមទាន់ឡើងជង្គង់ផងបោចសក់ផងតដៃហើបមាត់អត់រួច

ប្រទេសថៃ៖ វីដេអូមួយត្រូវបានគេបង្ហោះដោយបង្ហាញពីស្ត្រីម្នាក់ត្រូវបានស្ត្រីម្នាក់ផ្សេងទៀតវាយបោចសក់ផងទះកំផ្លៀងផងយ៉ាងទក់សាច់មើលទៅទំនងជាស្រីកំណាន់របស់ប្តីគេ ហើយគេតាមទាន់គេវាយឥតសំចៃដៃតែម្តង។ នៅក្នុងវីដេអូ ស្ត្រីពាក់អាវខ្មៅប្រហែលជាប្រពន្ធបានចូលទៅបោចសក់ស្រ្តីអាវពណ៌សដែលជាស្រីសាហាយរបស់ប្តី បន្ទាប់មកទាញចុះក្រោមឡើងជង្គង់ស្តាំជាច្រើនលើកច្រើនសាធ្វើឲ្យស្ត្រីសាហាយប្តីនោះដួលទៅលើដីតែម្តង។ ពេលដួលហើយ ស្ត្រីជាប្រពន្ធទៅសង្កត់ពីលើហើយទះកំផ្លៀងបោចសក់ ហើយមានស្រែកជេរថែមទៀតធ្វើឲ្យស្ត្រីជាសាហាយតដៃហើបមាត់ជេរវិញមិនរួចព្រោះតែត្រូវរាងទក់សាច់ដែរហើយ។ ពេលកំពុងតែវាយប្រទាញប្រទង់គ្នា នារីមួយក្រុមបានដើរមកឃើញហើយទាញស្ត្រីជាប្រពន្ធ និងស្ត្រីជាសាហាយចេញពីគ្នាដើម្បីឃាត់កុំឲ្យធ្វើរបៀបនេះតទៅទៀតព្រោះតែវាមើលទៅអាក្រក់មើលខ្លាំងណាស់៕ សុខ កុយ ខ្មែរណូត

ចេះណាស់ឆ្កែមួយក្បាលនេះ! សុខចិត្តពាំធុងធ្វើមុខកំសត់អង្គុយសុំលុយដើម្បីឲ្យម្ចាស់ខ្លួនបានដេក

ប្រទេសហ្វីលីពីន៖ រូបថតសត្វឆ្កែមួយក្បាលដែលកំពុងតែអង្គុយសុំលុយបានធ្វើឲ្យមហាជនក្នុងបណ្តាញសង្គមជាច្រើនរំភើបចិត្តជាខ្លាំងព្រោះតែឆ្កែនេះមើលទៅគឺចេះសម្បើមណាស់ សុខចិត្តឲ្យម្ចាស់ដេកឲ្យបានស្រួលហើយអង្គុយយ៉ាងស្ងៀមខាំធុងតូចមួយចាំគេដាក់លុយឲ្យ។ បើតាមបុរសម្នាក់ដែលជាអ្នកថតរូបនេះបានឲ្យដឹងថា គាត់ដើរៗសុខៗក៏បានឃើញបុរសអ្នកសុំទានម្នាក់ និងឆ្កែមួយក្បាលបានអង្គុយក្បែរជញ្ជាំងសកលវិទ្យាល័យ Manila ប្រទេសហ្វីលីពីន។ ដោយបុរសជាម្ចាស់នោះហត់នឿយអស់កម្លាំងខ្លាំង គេក៏ឱនមុខចុះហើយបិទភ្នែកដេកបាត់ទៅ ចំណែកឯសត្វឆ្កែនោះវិញបានខាំពាំធុងជ័រមួយជាប់នឹងមាត់ បន្ទាប់មកអង្គុយស្ងៀមទ្រឹងធ្វើមុខកំសត់ដើម្បីឲ្យគេមកដាក់លុយឲ្យ។ ម្យ៉ាងវិញទៀត ឆ្កែនេះមិនត្រឹមតែអង្គុយស្ងៀមអត់ប្រយោជន៍នោះទេ វានៅការពារម្ចាស់វាដែលជាអ្នកសុំទាននោះថែមទៀតផង ប្រសិនបើកាលណាមានហេតុការណ៍មិនស្រួលវានឹងបន្លឺសម្លេងព្រូសឡើងមកឲ្យម្ចាស់ដឹង។ ដោយឃើញបុរសសុំទានរូបនោះ និងសត្វឆ្កែគាត់ស្រឡាញ់រាប់អានគ្នាស្មោះស្ម័គ្របែបនេះ គាត់ក៏បានថតរូបនោះដាក់ចូលបណ្តាញសង្គមហើយសរសេររៀបរាប់ពីដំណើររឿងខាងលើទាំងអស់ធ្វើឲ្យក្នុងរយះពេលតែមួយភ្លែតសោះមានមនុស្សចូលមកមើល និងផ្តល់មតិយ៉ាងច្រើន។ គាត់ក៏បានសរសេរបន្ថែមទៀតផងដែរថាសត្វឆ្កែគឺជាសត្វមួយប្រភេទដែលចេះដឹងគុណម្ចាស់ ស្មោះត្រង់ខ្លាំងណាស់ ហើយវាក៏ជាមិត្តភក្តិដ៏ល្អរបស់ម្ចាស់ផងដែរដោយមិនដែលចេះរុញរារឿងជួយ និងការពារម្ចាស់វានោះទេ៕ សុខ កុយ ខ្មែរណូត

គួរអោយអាណិតណាស់! កុមារីម្នាក់ត្រូវឪពុកចុងរំលោភបានសម្រេចរហូតដល់១០ដង

ខេត្តស្ទឹងត្រែង៖ នៅព្រឹកថ្ងៃទី២០ ខែធ្នូ ឆ្នាំ២០១៦ បុរសលោភកាមនេះត្រូវបានសមត្ថកិច្ចបញ្ជូនទៅតុលាការដើម្បីកាត់ទោសហើយ។ សមត្ថកិច្ចបានអោយដឹងថាកុមារីរងគ្រោះមានឈ្មោះ ថ.ស.ណ អាយុ១១ឆ្នាំ រស់នៅភូមិស្តៅ១ ឃុំស្តៅ ស្រុកសេសាន ខេត្តស្ទឹងត្រែង ត្រូវបានជនល្មើសជាឪពុកចុងរំលោភបានសម្រេចរហូតដល់ទៅ១០ដង។ លុះកុមារីរងគ្រោះបានយករឿងទៅប្រាប់ម្តាយបង្កើត ទើបនៅថ្ងៃទី១៩ ខែធ្នូ ឆ្នាំ២០១៦ ស្ត្រីជាម្តាយបានទៅដាក់ពាក្យបណ្តឹង និងឃាត់ខ្លួនបានឪពុកចុងលោភកាមនេះ។ ក្រោយពីបានធ្វើការសាកសួរជនល្មើសនេះបានឆ្លើយសារភាពថាពីបានរំលោភកូនស្រីបានសម្រេចរហូតដល់ទៅ១០ដងពិតប្រាកដមែន។ បច្ចុប្បន្នជនល្មើសត្រូវបានសមត្ថកិច្ចបញ្ជូនទៅកាត់ទោសនៅតុលាការតាមនីតិវិធី៕ ណារ៉ែន ខ្មែរណូត

បុរសចិត្តធម៌ចែកផ្ទះ៩០ខ្នងដល់ជនក្រីក្រ ក្នុងថ្ងៃរៀបការកូនស្រី (មានវីដេអូ)

បុរសជនជាតិឥណ្ឌាម្នាក់បានផ្តល់អំណោយផ្ទះ ៩០ ខ្នងទៅដល់ជនក្រីក្រនៅក្នុងថ្ងៃរៀបការកូនស្រីរបស់គាត់។ បុរសចិត្តល្អរូបនេះមានឈ្មោះថា Ajay Munot ជាអ្នកជំនួញផ្នែកសំលៀកបំពាក់ និងស្រូវ ដែលមានទ្រព្យសម្បត្តិស្តុកស្តមរស់នៅក្នុងតំបន់ Aurangabad ក្រុង Lasar នៃរដ្ឋ Maharashtra ហើយក្នុងថ្ងៃរៀបការកូនស្រីរបស់គាត់ គាត់បានសង់ផ្ទះ ៩០ ខ្នង ហើយក្នុងមួយខ្នងមានបន្ទប់គេងមួយ បន្ទប់ទទួលភ្ញៀវមួយ និងផ្ទះបាយមួយ និងអស់ទឹកប្រាក់ ២៤០ ០០០ ដុល្លាអាមេរិក។ អ្នកដែលត្រូវបានជ្រើសរើសឲ្យមកទទួលអំណោយនេះ គឺត្រូវគោរពលក្ខខ័ណ្ឌ ៣ ខាងក្រោមនេះ៖ ជាអ្នកក្រីក្រពិតប្រាកដ

កូនបំផ្លាញ! លួចលុយ ដែលឪពុកម្តាយខំសន្សំ យកទៅទិញកាដូរឲ្យស្រីស្អាត ដែលស្គាល់គ្នាតាមអនឡាញ

ក្មេងប្រុសអាយុ ១៤ ឆ្នាំម្នាក់បានយកលុយ ដែលឪពុកម្តាយខំសន្សំបានទាំងអស់ទៅទិញកាដូរឲ្យពិធីការនីស្អាតៗក្នុងប្រព័ន្ធអ៊ីនធឺណិត។ រឿងនេះបានកើតឡើងក្នុងគ្រួសារក្រីក្រមួយដែលមានសមាជិក៣នាក់គឺឪពុកមានឈ្មោះថា Xu Yongwen អាយុ ៤៣ឆ្នាំ ម្តាយមានឈ្មោះថា Liu Bang អាយុ ៣៩ឆ្នាំ និងកូនប្រុសដែលញៀននឹងហ្គេមតាមប្រព័ន្ធអ៊ីនធឺណិតម្នាក់ឈ្មោះ Xiao Ming អាយុ ១៤ឆ្នាំ។ គ្រួសារនេះរស់នៅក្នុងក្រុង Lishui ខេត្ត Zhejiang ភាគខាងកើតនៃប្រទេសចិន។ កូនប្រុសកំហូចរូបនេះបានលេងហ្គេមតាមប្រព័ន្ធអ៊ីនធឺណិត និងនិយាយជាមួយពិធីរកស្រីៗ ដែលផ្សព្វផ្សាយផលិតផល និងព័ត៌មានផ្សេងៗដែលទាក់នងនឹងហ្គេមក្នុងប្រព័ន្ធអ៊ីនធឺណិតជារៀងរាល់ថ្ងៃ។ ហើយក្នុងរយៈពេល២ខែ

ឃើញហើយទប់ទឹកភ្នែកមិនជាប់! កុមារជាច្រើនដេកស្លាប់បន្តគ្នានៅស៊ីរី ដោយសារការវាយប្រហារដោយឧស្ម័នគីមី

ក្នុងការវាយប្រហារតាមយន្តហោះមួយនៅទីក្រុង ហាម៉ា ភាគខាងកើតប្រទេសស៊ីរីបានធ្វើឲ្យកុមារជាច្រើនដេកស្លាប់បន្តគ្នាដែលគួរឲ្យអាណោចអាធ័មជាទីបំផុត។ ការវាយប្រហារដែលមានរយៈជាង ១ ម៉ោងនេះបានធ្វើឲ្យមានមនុស្សស្លាប់ប្រមាណជា ៩៣ នាក់ និងរងរបួសប្រមាណជាជាង ៣០០ នាក់ ដោយសារជាតិឧស្ម័នដែលគ្មានក្លិន និងគ្មានពណ៌។ អង្គការផ្តល់ជំនួយសង្គ្រោះបន្ទាន់ និងសហភាពថែទាំវេជ្ជសាស្ត្របានបង្ហាញរូបថតរបស់កុមារដែលដេកស្លាប់បន្តគា្ន ដែលធ្វើឲ្យអ្នកមើលហើយមានអារម្មណ៍អាណោចអាធ័ម និងក្តុកក្តួលជាទីបំផុត។ អ្នកដែលរងរបួសពីជាតិឧស្ម័ននេះមានការថប់ដង្ហើម វិលមុខ ឈឺក្បាល និងចង់ក្អួត។ លោកវេជ្ជបណ្ឌិត  Khaula Sawah នាយកប្រតិបត្តិនៃ UOSSM សហរដ្ឋអាមេរិកបាននិយាយថា ខ្ញុំពិតជារកអ្វីនិយាយាមិនត្រូវនោះទេ

បុរសជួបគ្រោះថ្នាក់ចរាចរណ៍មិនទាន់ស្លាប់ផង បែរជាមកស្លាប់ដោយសាររឿងហួសចិត្តនេះទៅវិញ

បុរសម្នាក់ឈ្មោះថា Msizi Mkhize អាយុ ២៨ ឆ្នាំត្រូវបានគេប្រកាសថា បានស្លាប់ក្នុងគ្រោះថា្នក់ចរាចណ៍ម៉ូតូនៅទីក្រុង Township ប្រទេសអាហ្វិ្រកខាងត្រូង ។ បន្ទាប់ពីមានសេចក្តីប្រកាសនេះ សាកសពរបស់គាត់ត្រូវបានគេបញ្ចូនទៅរក្សាទុកក្នុងសាលដាក់សាកសពមួយកន្លែង និងបានក្លាសេយ៉ាងត្រឹមត្រូវ ដើម្បីរងចាំឲ្យខាងគ្រួសារមកយក។ ប៉ុន្តែពីរថ្ងៃក្រោយមកទើបឪពុកម្តាយរបស់គាត់បានមកដល់ ហើយអ្វីដែលធ្វើឲ្យមានភាពតក់ស្លុតខ្លាំងនោះគឺ ពេលដែលម្តាយឪពុករបស់ជនរងគ្រោះមកដល់គឺជីពចររបស់គាត់នៅដំណើរការ។ ភ្លាមនោះជនរងគ្រោះត្រូវបានបញ្ចូនទៅមន្ទីរពេទ្យសារជាថ្មីម្តងទៀត ហើយក្រុមគ្រូពេទ្យបានចំណាយពេល ៥ ម៉ោងដើម្បីធ្វើការជួយសង្រ្គោះជីវិតរបស់គាត់។ តែជាអកុសលគ្រូពេទ្យមិនអាចជួយសង្រ្គោះជីវិតរបស់គាត់បាននោះទេ។ ឪពុកម្តាយរបស់គាត់ពិតជាហួសចិត្តយ៉ាងខ្លាំង ចំពោះបញ្ហាដែលយកកូនរបស់គាត់ទៅទុកក្នុងសាលដាក់សាកសព ខណៈដែលកូនរបស់គាត់មិនទាន់ស្លាប់នៅឡើយ៕ ភក្តី ខ្មែរណូត

បុរសក្លាហានប្តូរជីវិតយកធុងហ្គាសកំពុងឆេះទៅបោះចោល ដើម្បីជួយសង្រ្គោះជីវិតអ្នកជិតខាង

បុរសម្នាក់បានក្លាយជាវិរៈបុរស បន្ទាប់ពីគាត់បានយកជីវិតទៅប្រថុយនឹងគ្រោះថ្នាក់ក្នុងការទាញយកធុងហ្គាស់ដែលកំពុងឆេះទៅបោះចោលដើម្បីជួយសង្រ្គោះជីវិតអ្នកជិតខាងរបស់គាត់។ បុរសក្លាហានម្នាក់នេះមានឈ្មោះថា Cai Dingfeng អាយុ ៦៣ ឆ្នាំ រស់នៅតំបន់ Wuxi ខេត្ត Jiangsu ប្រទេសចិន ហើយខណៈដែលគាត់មកដល់ផ្ទះ ស្រាប់តែទុយោធុងហ្គាសក្នុងផ្ទះបាយរបស់អ្នកជិតខាងគាត់បានបែកធ្លាយ និងបង្កឲ្យបានភ្លើងឆេះឡើង ហើយអ្នកជិតខាងនោះភ័យស្លន់ស្លោមិនមិនអាចធ្វើអ្វីបាននោះទេ។ ឃើញស្ថានភាពនេះដូច Cai Dingfen បានប្រញាប់ប្រញប់ប្រញាល់រុំដៃនឹងកន្លែង ហើយប្រើរនាស់អូសធុងហ្គាសដែលកំពុឆេះទៅបោះចោលក្នុងបឹង មុនពេលដែលវាផ្ទុះនឹងបង្កគ្រោះថ្នាក់ដល់អ្នកភូមិផ្សេងទៀត។ ភ្លើងលើធុងហ្គាសបានរលត់បន្ទាប់ពីបោះចូលទៅក្នុងបឹង។ ហើយបើតាមការអះអាងរបស់អ្នកភូមិបានឲ្យដឹងថា នេះមិនមែនជាលើកទី១ ដែលអ្នកក្លាហានរូបនេះបានជួយសង្គ្រោះជីវិតរបស់មនុស្សនោះ ពោលគឺកាលពីឆ្នាំ

ជាប់គុកមួយជីវិត ព្រោះតែទុកកូនចោលក្នុងឡានរហូតទាល់តែ កូនហប់ខ្យល់ស្លាប់បាត់បង់ជីវិត

ប្រទេសអង់គ្លេស៖ បុរសម្នាក់ត្រូវបានតុលាការកាត់ទោសឲ្យជាប់ពន្ធនាគារចំនួន ១ជីវិតបន្ទាប់ពីគាត់បានទុកកូនប្រុសតូចរបស់គាត់ម្នាក់ចោលក្នុងឡានរហូតទាល់តែកូនក្តៅពេកដាច់ខ្យល់ស្លាប់។ បុរសរូបនេះមានឈ្មោះថា Justin Ross Harris មានអាយុ ៣៦ឆ្នាំ។ នៅថ្ងៃកើតហេតុ បុរសរូបនេះបានដាក់កូនប្រុសតូចចូលក្នុងឡានហើយបើកឡាននោះទៅកន្លែងធ្វើការដោយចតឡានចោលក្រោមកម្តៅថ្ងៃយ៉ាងក្តៅ ហើយបន្ទាប់មកក៏ដើរចូលទៅក្នុងការិយាល័យបាត់ទៅរហូតទាល់តែកូនប្រុសស្លាប់ក៏មិនដឹងផង។ ក្រោយមក តុលារការក៏បាននាំខ្លួនរូបគាត់នេះមកផ្តន្ទាទោសដោយចោទសួរសំនួរទៅគាត់ ហើយគាត់ក៏ឆ្លើយថាមកពីពេលនោះគាត់ភ្លេចមិនបានដាក់កូនចុះនៅកន្លែងមើលក្មេងរួចក៏ជិះមកធ្វើការយកតែម្តងទើបធ្វើឲ្យមានរឿងដូចនេះកើតឡើង។ បើទោះបីជាឆ្លើយយ៉ាងនេះក្តី តុលាការបានចោទថាគាត់កុហកព្រោះបើតាមការស្រាវជ្រាវបានឲ្យដឹងថាគាត់បានចូលទៅស្រាវជ្រាវក្នុងប្រព័ន្ធអ៊ីនធើណេតដោយស្វែងរកអត្ថបទមួយស្តីពីការរស់នៅដែលគ្មានកូន និងអត្ថបទផ្សេងមួយទៀតស្តីពីការគ្មានទោសពេលដែលធ្វើឲ្យកូនស្លាប់។ មិនត្រឹមតែប៉ុនហ្នឹងទេ គាត់នៅស្វែងរកមើលវីដេអូផ្សេងៗជាច្រើនទៀតដែលទាក់ទងនឹងការទុកសត្វចិញ្ចឹមចោលក្នុងឡានឲ្យក្តៅស្លាប់ និយាយរួមទៅតុលាការបានចោទគាត់ថាចង់ធ្វើឲ្យកូនស្លាប់ដើម្បីគេចផុតព្រោះតែមិនចង់ចិញ្ចឹមកូន។ ក្រោយពេលតុលាការចោទប្រកាន់បែបនេះហើយ បុរសរូបនេះមិននិយាយអ្វីនោះទេ ហើយក៏បានត្រឹមតែឱនមុខចុះធ្វើមុខស្រពោន រួចខាងសមត្ថកិច្ចក៏នាំខ្លួនបុរសរូបនេះចូលទៅក្នុងវិញទៅ។ បែរចេញពីរឿងនេះមកវិញ តុលាការក៏បានស្រាវជ្រាវឃើញបន្ថែមទៀតថាពេលដែលគាត់ទុកកូនចោលក្នុងឡានហើយអង្គុយក្នុងការិយាល័យនោះ គាត់បានផ្ញើសារជាពាក្យចំអេសចំអាសឈ្លើយគ្មានសុជីវធម៌ទៅកាន់នារីចំនួន ៦នាក់ផ្សេងៗគ្នា

បុរសទះកំផ្លៀងនារីព្រោះតែខឹងនាងចូលទិញសំបុត្ររថភ្លើងកាត់មុខកាត់មាត់មិនចេះតម្រង់ជួរ

ប្រទេសចិន៖ បុរសមាឌធំបានលើកដៃទះកំផ្លៀងនារីម្នាក់ធ្វើឲ្យផ្ទុះជម្លោះពេញចំណតរថភ្លើងព្រោះតែនារីរូបនោះចូលទិញសំបុត្ររថភ្លើងដោយមិនតម្រង់ជួរ ចូលជួរកាត់មុខកាត់មាត់គេឆៅៗតែម្តង។ បើតាមប្រភពព័ត៌មានបានឲ្យដឹងថា រឿងរ៉ាវនេះគឺកើតឡើងនៅក្នុងក្រុង Shijiazhuang ខេត្ត Hebei ក្នុងចំណតរថភ្លើងមួយ។ ដំបូងឡើយ នារីដែលត្រូវគេទះកំផ្លៀងនោះមិនដឹងជាមកពីណាទេប៉ុន្តែមើលទៅហាក់ដូចជាប្រញាប់ប្រញាល់ខ្លាំងណាស់។ ដោយសារតែនាងប្រញាប់ពេក ហើយកន្លែងតម្រង់ជួរទិញសំបុត្ររថភ្លើងក៏មមាញឹកផងនោះ នាងមិនដឹងធ្វើយ៉ាងម៉េចក៏មិនបានឈរតម្រង់ជួរ ហើយចូលកាត់ជួរគេតែម្តងធ្វើឲ្យគ្រប់ៗគ្នាមើលមុខនាងតែម្តង។ មួយសន្ទុះមក បុរសមាឌធំម្នាក់ក៏ចេញមក ហើយទាញនាងចេញពីកន្លែងដែលនាងកំពុងតែឈរតែនាងមិនព្រមក៏ត្រឡប់ចូលទៅឈរវិញដដែលធ្វើឲ្យបុរសនោះខឹង ហើយក៏លើកនាងចេញមកតែម្តង។ នាងបានស្រែកជេរបុរសនោះផងវាយដំផងហើយនៅតែចចេសចង់ចូលជួរវិញដដែលធ្វើឲ្យបុរសរូបនោះខឹងទ្រាំមិនបានក៏លើកដៃទះនាងមួយកំផ្លៀងតែម្តងព្រោះថាចូលមកកាត់ជួរគេមិនដឹងថាខ្លួនខុសហើយនៅស្រែកឡូឡាពេញហ្នឹងទៀត។ ការវាយតប់ឈ្លោះគ្នារវាងបុរស និងនារីរូបនោះត្រូវបានគេថតដាក់ចូលបណ្តាញសង្គមល្បីពេញហ្នឹងដោយមនុស្សភាគច្រើនគឺសុទ្ធតែគាំទ្របុរសដែលជាអ្នកទះកំផ្លៀងគេនោះព្រោះថាទះរបៀបនេះគឺត្រឹមត្រូវណាស់ ព្រមទាំងអាចធ្វើឲ្យនារីនោះអាចភ្ញាក់ខ្លួនបានថែមទៀតផង។ មិនតែប៉ុននោះ មានអ្នកខ្លះនៅមកថែមល្បោយបន្ថែមទៀតដោយនិយាយថាបុរសរូបនោះទះប៉ុនហ្នឹងនៅតិចផង គួរណាតែទះឲ្យខ្លាំងជាងហ្នឹងទើបជាការល្អដើម្បីកុំឲ្យមានថ្ងៃក្រោយទៀត៕ សុខ កុយ ខ្មែរណូត

រំភើបស្ទើរស្រក់ទឹកភ្នែក! អាណិតអ្នករត់តុពេក ភ្ញៀវម្នាក់ទុកលុយធីបយ៉ាងច្រើន ដើម្បីជួយឲ្យអ្នករត់តុបានត្រឡប់ទៅស្រុកជួបជុំគ្រួសារថ្ងៃបុណ្យណូអែល

អាមេរិច៖ បុរសជាអ្នកធ្វើការរត់តុតាមភោជនីយដ្ឋានម្នាក់បានសម្តែងការភ្ញាក់ផ្អើល និងរំភើបចិត្តយ៉ាងខ្លាំងស្ទើរតែស្រក់ទឹកភ្នែកព្រោះតែអតិថិជនម្នាក់ចូលមកបរិភោគហើយបានទុកលុយធីបឲ្យគាត់ដល់ទៅ ៧៥០ដុល្លារអាមេរិចដើម្បីធ្វើជាសោហ៊ុយទុកឲ្យគាត់ទៅលេងស្រុកកំណើតជួបជុំមិត្តស្រី និងកូនប្រុស។ បុរសអ្នករត់តុរូបនេះមានឈ្មោះថា Ben Millar មានស្រុកកំណើតនៅឯប្រទេស Ireland ប៉ុន្តែបានចំណាកស្រុកមកធ្វើការនៅរដ្ឋ Texas ប្រទេសអាមេរិច។ ថ្ងៃមួយគាត់បានបម្រើសេវាកម្មម្ហូបអាហារឲ្យទៅភ្ញៀវម្នាក់ដែលទើបតែនឹងមកពីដើរលេងនៅ Ireland ហើយគាត់និយាយគ្នាជាមួយនឹងភ្ញៀវម្នាក់នោះត្រូវគ្នាសំបើមណាស់ហាក់បីដូចជាធ្លាប់ស្គាល់គ្នាជិតស្និទ្ធយ៉ាងអ៊ីចឹង។ គាត់បានប្រាប់ភ្ញៀវនោះថាស្រុកកំណើតគាត់គឺនៅប្រទេស Ireland ហើយគាត់ក៏មានមិត្តស្រីនៅទីនោះម្នាក់ផងដែរដោយពេលនេះគឺនាងកំពុងតែពពោះកូនរបស់គាត់បានរយះពេល ៨ខែមកហើយ។ គាត់បន្តទៀតថា គាត់បាននឹងកំពុងតែខិតខំរត់តុដើម្បីសន្សំលុយទុកត្រឡប់ទៅស្រុកកំណើតជុំមិត្តស្រី និងកូនវិញនៅថ្ងៃបុណ្យណូអែលខាងមុខនេះហើយ ប៉ុន្តែមើលទៅប្រហែលជាសន្សំមិនគ្រប់នោះទេ ហើយគោលបំណងដែលសំខាន់ជាងគេរបស់គាត់នោះគឺត្រឡប់ទៅវិញឲ្យបានមុនពេលកូនគាត់កើតចេញមកព្រោះគាត់ចង់កំដរមិត្តស្រីពេលកើតកូនមិនចង់ឲ្យនាងនៅម្នាក់ឯង។ គាត់និយាយទាំងទឹកមុខស្មើបន្តិច ស្រពោនបន្តិច ហើយក៏ដើរចេញពីតុភ្ញៀវម្នាក់នោះទៅដើម្បីបម្រើភ្ញៀវផ្សេងៗទៀតក្នុងហាង។

ជនជាតិចិនគ្រាន់តែម្នាក់ជួយទិញគ្នាបន្តិច បានជួយសង្គ្រោះជីវិតភាពលោកតាម្នាក់ឲ្យល្អប្រសើរវិញ

នៅប្រទេសចិន លោកតាម្នាក់បានធ្វើដំណើរមកពីស្រុកកំណើត ដើម្បីយកដំឡូង ដែលគាត់ដាំបានយកទៅលក់ តែចៃដន្យអីគាត់លក់មិនបានទាល់តែសោះធ្វើឲ្យគាត់អស់សង្ឈឹមខ្លាំងណាស់ ប៉ុន្តែចុងក្រោយដំឡូងគាត់ត្រូវបានលក់ខ្ទេចខ្ទីអស់គ្មានសល់ ក្រោយពីត្រូវបានជួយផ្សព្វផ្សាយដោយបុរសម្នាក់។ លោកតាម្នាក់នេះមានត្រកូល Ma គឺជាកសិករម្នាក់រស់នៅក្នុងខេត្ត Qinghai ប្រទេសចិន។ គាត់ដាំដំឡូងបានច្រើនណាស់ដោយដាក់ច្រកជាបាវៗមានចំនួន ៣២០០០គីឡូក្រាម ហើយគាត់ចង់យកវាទៅលក់នៅក្នុងក្រុង Shenzhen ព្រោះតែចង់ទទួលបានប្រាក់កម្រៃខ្លះទុកចាយវាយផ្សេងៗ ប៉ុន្តែពេលយកមកដល់គាត់លក់មិនដាច់ទាល់តែសោះធ្វើឲ្យគាត់អស់លុយពីខ្លួនរលីង ហើយក៏នៅតែលក់មិនដាច់។ គាត់ក៏បានយកដំឡូងទាំងនោះទៅសួរគេខាងផ្សារទំនើបផងដែរ ប៉ុន្តែគេខាងផ្សារទំនើបបាននិយាយថា គេមិនទទួលដាក់ដំឡូងគាត់លក់នោះទេ ព្រោះតែដំឡូងទាំងនោះមើលទៅគឺមិនមានគុណភាពល្អ បន្ទាប់មកគាត់ក៏បន្តដើរលក់តទៀតតាមផ្លូវរហូតដោយជួលរទេះគេដាក់ដំឡូងរុញនៅតែលក់មិនដាច់ទៀតធ្វើឲ្យគាត់អស់សង្ឈឹមរលីងពីខ្លួនតែម្តង។ ចុងក្រោយចាត់ទុកថាជាសំណាង បុរសម្នាក់ក៏បានធ្វើដំណើរមកទិញដំឡូងរបស់គាត់ ហើយសួរនាំគាត់ពីដំណើររឿងទាំងអស់។ ពេលដឹងហើយ

ចាប់គ្រូបង្រៀនដាក់គុក ដោយសារចាប់កូនសិស្សយកសរីរាង្គកាយលក់

នៅប្រទេសអ៊ុយក្រែន ស្ត្រីម្នាក់ជាគ្រូបង្រៀនបានត្រូវគេកាត់ទោសឲ្យជាប់គុកចំនួន១៥ឆ្នាំ ព្រោះតែគាត់បានព្យាយាមចង់លក់កូនសិស្សរបស់គាត់ម្នាក់ឲ្យទៅពួកឈ្មួញជួញដូរគ្រឿងក្នុងមនុស្ស។ ស្ត្រីរូបនេះមានឈ្មោះថា  Galina Kovalenko មានអាយុ ៥២ឆ្នាំគឺជាគ្រូបង្រៀនភាសាអ៊ុយក្រែនម្នាក់នៅសាលារៀនរបស់អង្គការមួយដោយមានសិស្សរៀនច្រើនគ្រាន់បើដែរ។ ដោយសារតែគាត់មានគម្រោងចង់លក់សិស្សស្រីរបស់គាត់ម្នាក់នៅក្នុងថ្នាក់មានអាយុ ១៣ឆ្នាំ គាត់ក៏ត្រូវបានសមត្ថកិច្ចធ្វើការចាប់ខ្លួន ហើយនាំយកទៅកាត់ក្តីផ្តន្ទាទោសតែម្តងទៅ។ ពេលកើតហេតុ ក្មេងស្រីដែលជាជនរងគ្រោះបានប្រាប់ថាអ្នកគ្រូបានហៅនាងចេញមកខាងក្រៅជាមួយនឹងគាត់ ហើយបន្ទាប់មកក៏ឲ្យនាងឈរចាំមួយភ្លែតដោយមានឡានមួយជិះមកហុចលុយឲ្យគាត់រាប់។ ពេលដែលរាប់រួចហើយ អ្នកនៅក្នុងឡាននោះក៏ចុះមកហើយចាប់នាងដាក់ចូលឡានតែម្តងបម្រុងនឹងជិះចេញទៅតែសំណាងណាស់ដោយបានត្រូវកងកម្លាំងសមត្ថកិច្ចចេញឃាត់ទាន់។ បើតាមសមត្ថកិច្ចបានឲ្យដឹងថា ក្រុមការងារប៉ូលីសបានធ្វើការតាមដានគាត់អស់រយះពេល ៤ខែមកហើយព្រោះតែគេមានសង្ស័យថាគាត់មានទំនាក់ទំនងជាមួយនឹងពួកជួញដូរគ្រឿងក្នុងមនុស្ស។ នៅថ្ងៃកើតហេតុ ពួកគាត់បានឃើញអ្នកគ្រូម្នាក់នោះនាំសិស្សស្រីម្នាក់ចេញមកក្រៅសាលា ហើយក៏ឃើញមានឡានមួយគ្រឿងជិះមកជិតក្មេងស្រីនោះហើយទាញនាងចូលទៅក្នុងឡាន ដូចនេះសមត្ថកិច្ចក៏ចេញប្រតិបត្តិការភ្លាមៗហើយធ្វើការចាប់ខ្លួនបានក្តៅៗតែម្តង។ នៅក្នុងចម្លើយសារភាព អ្នកគ្រូរូបនេះបានប្រាប់ថាគាត់ពិតជាបានចង់លក់ក្មេងនោះឲ្យទៅពួកឈ្មួញរកស៊ីគ្រឿងក្នុងមនុស្សពិតមែនជាមួយនឹងតម្លៃ ១ម៉ឺុនដុល្លារអាមេរិច។ គាត់បានសារភាពបន្តថា