Panha Both | Khmer-note.com

Both Archive

កងកម្លាំងយោធារបស់ប្រទេសអាហ្គានីស្ថានរាប់សិបនាក់បានស្លាប់ ក្នុងហេតុការណ៍បំផ្ទុះគ្រាប់បែកមួយធ្វើឡើងដោយពួកឧទ្ទាមតាលីបង់

អាហ្គានីស្ថាន៖ យ៉ាងហោចណាស់កងកម្លាំងយោធារបស់ប្រទេសអាហ្គានីស្ថានរាប់សិបនាក់បានស្លាប់ក្នុងហេតុការណ៍វាយប្រហារមួយធ្វើឡើងដោយពួកក្រុមឧទ្ទាមតាលីបង់។ ការវាយប្រហារនេះធ្វើឡើងនៅក្នុងភាគខាងជើងខេត្ត Balkh ប្រទេសអាហ្គានីស្ថាន។ តាមសម្ដីយោធាទាហានរបស់អាហ្គានីស្ថានបានអោយដឹងថា៖ ពួកក្រុមឧទ្ទាមតាលីបង់បានធ្វើការវាយប្រហារមកលើមូលដ្ឋានយោធារបស់ប្រទេសអាហ្គានីស្ថានដោយបំផ្ទុះគ្រាប់បែកអត្តឃាត។ ពួកក្រុមឧទ្ទាមតាលីបង់បានបន្លំស្លៀកពាក់ឈុតយោធាទាហានរបស់ប្រទេសអាហ្គានីស្ថានដើម្បីដើរឆ្លងផុតតំបន់ត្រួតពិនិត្យចូលទៅក្នុងមូលដ្ឋានទ័ពរបស់ប្រទេសអាហ្គានីស្ថានដើម្បីចុចគ្រាប់បែកអត្តឃាតបំផ្ទុះតែម្ដង។ ក្នុងការបំផ្ទុះនេះត្រូវបានគេប៉ានស្មានថាមានទាហានរបស់ប្រទេសអាហ្គានីស្ថានរាប់សិបនាក់បានស្លាប់ ប៉ុន្ដែមិនទាន់ដឹងចំនួនច្បាស់ការនៅឡើយទេ។ ភ្លាមៗបន្ទាប់ពីបំផ្ទុះគ្រាប់បែកនោះ កងកម្លាំងយោធារបស់ប្រទេសអាហ្គានីស្ថានបានបាញ់សម្លាប់បក្សពួករបស់ក្រុមឧទ្ទាមតាលីបង់ចំនួន១០នាក់ផ្សេងទៀតនៅក្នុងមូលដ្ឋានទ័ពរបស់ប្រទេសអាហ្គានីស្ថាននៅក្នុងទីក្រុង Mazar-e-Sharif ។ បុត្រ ខ្មែរណូត ប្រភព៖ BBC 

ក្មេងស្រីម្នាក់ដែលនៅរស់រានមានជីវិតពីការបំផ្ទុះគ្រាប់បែកនៅក្នុងប្រទេសស៊ីរី ញញឹមដាក់កាមេរ៉ាទាំងខ្លួនមានរបួស

ស៊ីរី៖ កាលពីថ្មីៗនេះក្នុងហេតុការណ៍បំផ្ទុះគ្រាប់បែកអត្ដឃាតលើរថយន្ដក្រុងមួយគ្រឿងដែលសម្លាប់មនុស្សអស់ជាង១៣០នាក់ ក្នុងចំណោមនោះមាន៦៨ជាកុមារកំពុងធ្វើអោយពិភពលោកទាំងមូលមានការតក់ស្លុកយ៉ាងខ្លាំង។ ប៉ុន្ដែក្នុងឧបទ្ទេវហេតុដ៏ព្រឺព្រួចនោះ កុមារីរងម្នាក់ដែលនៅរស់រានមានជីវិតកំពុងធ្វើអោយមហាជនក្នុងពិភពលោកស្ទើរតែស្រក់ទឹកភ្នែកដោយសារតែកុមារីរងគ្រោះ។ កុមារីរងគ្រោះម្នាក់ត្រូវបានអ្នកជួយសង្រ្គោះបញ្ជូនរូបគេមកកាន់រថយន្ដសង្រ្គោះបន្ទាន់ដើម្បីបញ្ជូនរូបគេទៅព្យាបាលនៅមន្ទីរពេទ្យ។ ពេលដែលបញ្ជូនរូបគេមកដល់រថយន្ដសង្រ្គោះបន្ទាន់ កុមារីរងគ្រោះស្រាប់តែងាកមកញញឹមដាក់កាមេរ៉ាខណៈដែលរូបគេកំពុងតែរងរួបសធ្ងន់ ធ្វើអោយមហាជនក្នុងពិភពលោកស្លុតចិត្តស្ទើរតែស្រក់ទឹកភ្នែកគ្រប់គ្នា។ កុមារីរងគ្រោះបានបន្សល់ទុកស្នាមញញឹមដ៏ស្រស់ស្អាតទាំងខ្លួនមានរបួស។ ក្មេងស្រីរងគ្រោះហាក់ដូចជាពុំដឹងថាខ្លួនឯងមានរបួសអញ្ចឹង ក្មេងស្រីរងគ្រោះត្រូវបានក្រុមអ្នកជួយសង្រ្គោះយកស្រោមដៃពេទ្យមកផ្លុំធ្វើជាប៉េងប៉ោងដើម្បីអោយរូបគេលេងដើម្បីបំបាត់ភាពឈឺចាប់។ សាច់ញាតិរបស់ក្មេងស្រីរងគ្រោះត្រូវគេសន្មត់ថាប្រហែលជាស្លាប់ក្នុងឧបទ្ទេវហេតុបំផ្ទុគ្រាប់បែកអត្តឃាតក្នុងរថយន្ដក្រុងនោះ។ បុត្រ ខ្មែរណូត ប្រភព៖ Ladbible

ពេលនេះក្រុមអ្នករុករកបានរកឃើញតំរុយខ្លះៗហើយអំពីយន្ដហោះ MH370 ដែលបាត់ខ្លួនកាលពីឆ្នាំ២០១៤

ម៉ាឡេស៊ី៖ យន្ដហោះ MH370 ដែលដឹកអ្នកដំណើរពីទីក្រុងកូឡាឡាំពួរមកកាន់ទីក្រុងប៉េកាំងកាលពីថ្ងៃទី ៨ មីនា ឆ្នាំ២០១៤ ដែលធ្លាក់ចូលក្នុងសមុទ្របាត់ដំណឹងសូន្យឈឹង ពេលនេះក្រុមអ្នករុករកបានរកឃើញតំរុយខ្លះៗហើយអំពីយន្ដហោះរបស់ក្រុមហ៊ុន Malaysia Airline នេះ។ យន្ដហោះរបស់ក្រុមហ៊ុន Malaysia Airline ប្រភេទ MH370 Boeing 777 នេះបានដឹកមនុស្សចំនួន ២៣៩នាក់ពីប្រទេសម៉ាឡេស៊ី។ កាលពីដើមខែមករានេះប្រទេសអូស្រ្ដាលី ម៉ាឡេស៊ី និងប្រទេសចិន បានបិទការស្វែងរកយន្ដហោះ MH370 នេះបន្ទាប់ពីស្វែងរកអស់រយៈពេលយូរប៉ុន្ដែនៅតែគ្មានដំណឹង។ ក្នុងការរុករកនេះគេបានបើកការស្វែងរកក្នុងផ្ទៃក្រលា

ខ្មាំងកាំភ្លើងប្រយុទ្ធរបស់ក្រុមឧទ្ទាម ISIS បានបើកការបាញ់ប្រហារនៅក្នុងទីក្រុងបារីសកាលយប់មិញ សម្លាប់មនុស្សម្នាក់និងរបួស២នាក់

បារាំង៖ ខ្មាំងកាំភ្លើងម្នាក់ត្រូវបានកងកម្លាំងប៉ូលីសរបស់ប្រទេសបារាំងបាញ់សម្លាប់ចោលភ្លាមៗបន្ទាប់ពីខ្មាំងកាំភ្លើងរូបនោះបានបាញ់សម្លាប់ប៉ូលីសម្នាក់និងបង្កអោយមនុស្សពីរនាក់រងរបួស ក្នុងហេតុការណ៍បាញ់ប្រហារមួយនៅក្នុងផ្លូវ Champs-Elysees ក្នុងទីក្រុងបារីស។ ក្នុងហេតុការណ៍បាញ់ប្រហារនេះ ក្រុមឧទ្ទាម ISIS បានចេញមុខទទួលស្គាល់ថាអំពើភេរវកម្មបាញ់ប្រហារនេះគឺធ្វើឡើងដោយសកម្មភាពរបស់គេឈ្មោះ Abu Yussef ។ លោកប្រធានាធីបតី ហ្វ្រង់ស័រហូឡង់ បានប្រញាប់ប្រកាសហៅគ្រប់គណៈរដ្ឋមន្រ្ដីទាំងអស់ធ្វើកិច្ចប្រជុំគណៈរដ្ឋមន្រ្ដីជាបន្ទាន់ដើម្បីពង្រឹងសុវតិ្ថភាពសន្ដិសុខជាតិសម្រាប់ការបោះឆ្នោតជ្រើសរើសប្រធានាធីបតីដែលធ្វើឡើងក្នុងពេលឆាប់ៗនេះ។ ការបាញ់ប្រហារនេះធ្វើឡើងនៅវេលាម៉ោង៩យប់នៅលើដងវិថី Champs-Elysees ដែលខ្មាំងកាំភ្លើងបាញ់សម្លាប់ប៉ូលីសម្នាក់និងពីរនាក់ផ្សេងទៀតរងរបួសធ្ងន់។ ភ្លាមៗនោះបន្ទាប់ពីការបាញ់ប្រហារនេះភ្លាម កងកម្លាំងប៉ូលីសបានបាញ់សម្លាប់ខ្មាំងកាំភ្លើងភ្លាមៗបន្ទាប់ពីគេព្យាយាមរត់គេចខ្លួន។ ប៉ូលីសកំពុងតែបើកការសុើបអង្កេតលើរឿងនេះជាបន្ទាន់ដើម្បីស្វែងរកអ្នកចូលរួមក្នុងហេតុការណ៍បាញ់ប្រហារនេះផ្សេងទៀត។ បុត្រ ខ្មែរណូត ប្រភព៖ BBC

លោកយាយវ័យ៧០ឆ្នាំម្នាក់តុបតែងខ្លួនជា Micky Mouse ដើម្បីរកប្រាក់ចំណូលជួយព្យាបាលជំងឺបេះដូងប្ដីគាត់

ប្រទេសចិន៖ លោកយាយអាយុ៧០ម្នាក់បានតុបតែងខ្លួនពាក់តុក្កតា Micky Mouse អោយភ្ញៀវទេសចរណ៍ថតរូបជាមួយដើម្បីរកប្រាក់កំរៃព្យាបាលជំងឺបេះដូងរបស់ប្ដីគាត់។ លោកយាយខាងលើមានឈ្មោះ Ying Peizhi មកពីទីក្រុង Dezhou ប្រទេសចិនបានសម្រេចចិត្តចាកចេញពីស្រុកកំណើតរបស់ខ្លួនមកកាន់ខេត្ត Shandong ដើម្បីដើររកប្រាក់កាក់ដើម្បីជួយសង្រ្គោះជីវិតប្ដីរបស់គាត់ពីជំងឺបេះដូងដំណាក់កាលធ្ងន់ធ្ងរ។ ក្នុងមួយថ្ងៃលោកយាយរកចំណូលបានតិចតូចណាស់ ពេលភ្ញៀវទេសចរណ៍ថតរូបជាមួយហ្នឹងគាត់ម្ដង គាត់ទទួលបានប្រាក់ពី ០.១៥ – ០.៧៣ដុល្លារអាស្រ័យតាមភ្ញៀវទេសចរណ៍អោយគាត់។ កាលពីមុនគាត់បានកូនស្រីប្រសារបស់គាត់ជួយរកប្រាក់ដើម្បីព្យាបាលជំងឺប្ដីរបស់គាត់ តែជាអកុសលពេលនាងកំពុងតែធ្វើការស្រាប់តែជួបឧបទ្ទេវហេតុគ្រោះថ្នាក់ចរាចរណ៍ ធ្វើអោយលោកយាយវ័យ៧០ឆ្នាំរូបនេះទទួលបន្ទុកកាន់តែខ្លាំង។ លោកយាយប្រឹងប្រែងរកប្រាក់បែបនេះគឺដើម្បីចង់អោយជំងឺប្ដីគាត់ជា ដើម្បីបន្ដជីវិតប្ដីប្រពន្ធបាន១០០ឆ្នាំ។ លោកយាយត្រូវការថវិកាច្រើនដើម្បីព្យាបាលជំងឺប្ដីរបស់គាត់។ រាល់ថ្ងៃលោកយាយតែងតែក្រោកពីព្រលឹមដើរទៅកាន់តំបន់ទេសចរណ៍ក្នុងខេត្ត Shandong ដើម្បីអោយភ្ញៀវថតរូបលេងកំសាន្ដជាមួយហ្នឹងតុក្កតា Micky Mouse ដែលគាត់បានតុបតែងខ្លួន។ លោកយាយត្រូវឈរក្រោមកម្ដៅថ្ងៃដ៏ក្ដៅរៀងរាល់ថ្ងៃ

ពេលនេះទាហាន ISIS ៨នាក់កំពុងស្ថិតនៅក្នុងប្រទេសម៉ាឡេស៊ី ខណៈដែលកងទាហានជាច្រើនមានគម្រោងមកកាន់ប្រទេសម៉ាឡេស៊ី

ម៉ាឡេស៊ី៖ កងទាហានរបស់ក្រុមឧទ្ទាម ISIS ៨នាក់បានត្រលប់មកកាន់ប្រទេសម៉ាឡេស៊ីវិញបន្ទប់ពីពួកគេបានចូលរួមជាមួយហ្នឹងក្រុមឧទ្ទាម ISIS នៅក្នុងប្រទេសស៊ីរី។ យោងតាមក្រុមឧទ្ទាម ISIS ទាំងនោះបានអោយដឹងថា៖ ពេលនេះសមាជិក ISIS ៨នាក់កំពុងស្ថិតនៅក្នុងប្រទេសម៉ាឡេស៊ី ខណៈដែល៥៧នាក់ផ្សេងទៀតកំពុងមានគម្រោងត្រលប់មកកាន់ប្រទេសម៉ាឡេស៊ីវិញ។ កាលដែលពួកគេត្រលប់មកកាន់ប្រទេសម៉ាឡេស៊ីវិញនេះ យោងតាមសមាជិក ISIS ម្នាក់ឈ្មោះ Muhammad Wanndy Mohamed Jedi បានអោយដឹងថា៖ ពួកគេត្រលប់មកវិញគឺដើម្បីរៀបចំគម្រោងធ្វើអំពើភេរវកម្មនៅក្នុងសហរដ្ឋអាមេរិក។ ពួកឧទ្ទាម ISIS ទាំងនោះបាននិយាយថា៖ បើសិនជាពួកគេនាំយកប្រពន្ធនិងកូនទៅកាន់ប្រទេសស៊ីរី ហើយបុរសជាប្ដីបានស្លាប់ក្នុងការបំពេញបេសកម្ម សមាជិកក្រុមឧទ្ទាម

គ្រួសារមួយនៅប្រទេសឥណ្ឌូនេស៊ីរស់នៅជាមួយហ្នឹងសាកសពរបស់រយៈពេល១២ឆ្នាំ ព្រោះជឿថាសាកសពនោះនៅមានជីវិត

ឥណ្ឌូនេស៊ី៖ គ្រួសារមួយមកពីភាគខាងត្បូងកោះ Sulawesi បានរស់នៅជាមួយសាកសពលោកតាម្នាក់អស់រយៈពេល១២ឆ្នាំ ដោយសារតែពួកគេជឿថាលោកតាខាងលើនៅមានជីវិត។ គ្រួសារនេះអាចរស់នៅជាមួយហ្នឹងសាកសពរបស់លោកតាគេបានយូរយ៉ាងណាស់ ដោយសារតែពួកគេបានចាក់សារធាតុគីមីចូលទៅក្នុងសាកសព។ ការជឿថាលោកតាខាងលើមិនទាន់ស្លាប់បាត់បង់ជីវិតដោយសារតែជំនឿរបស់ពួកគេជឿថាវិញ្ញាណរបស់លោកតារូបនេះនៅក្បែរហ្នឹង។ ជារៀងរាល់ថ្ងៃពួកគេបានយកម្ហូបអាហារ ទឹក និងបារីមកអោយលោកតាខាងលើហូបក្នុងមួយថ្ងៃពីរដង ពោលគឺធ្វើដូចមនុស្សធម្មតាអញ្ចឹង។ ក្នុងពេលរាត្រីពួកគេតែងតែជូតសម្អាតខ្លួនអោយសាកសពលោកតាខាងលើជានិច្ច និងផ្លាស់ប្ដូរសំលៀកបំពាក់អោយគាត់រាល់យប់។ យោងតាមសារពត៌មាន BBC បានទៅសំភាសន៍ជាមួយហ្នឹងគ្រួសារខាងលើបានអោយដឹងថា៖ កាលពី១២ឆ្នាំមុនតាំងពីលោកតាបានស្លាប់មកពួកគេមិនបានយកគាត់ចេញទៅណាទេ ពោលគឺទុកនិងថែរក្សាគាត់នៅក្នុងផ្ទះបែបនេះរហូតដោយសារតែពួកគេជឿថាគាត់នៅរស់រានមានជីវិត។ គាត់តែងតែស្ដីបន្ទោសដល់ក្មេងៗឫកូនរបស់គាត់ជានិច្ចពេលពួកគេរត់លេងនិងស្រែកខ្លាំងៗ ដោយសារតែធ្វើបែបនេះអាចរំខានដល់លោកតាដែលកំពុងតែដេកលក់។ ការធ្វើបែបនេះគឺធ្វើតាមជំនឿសាសនារបស់ពួកជនជាតិភាគតិច Toraja ដែលរស់នៅក្នុងប្រទេសឥណ្ឌូនេស៊ី។ បុត្រ ខ្មែរណូត ប្រភព៖ TheSun

វិបតិ្តវេណេហ្ស៊ុយអេឡា! យ៉ាងហោចណាស់មនុស្ស៣នាក់ត្រូវបានបាញ់សម្លាប់ក្នុងហេតុការណ៍អំពើហឹង្សាមួយតវ៉ាប្រឆាំងនឹងរដ្ឋាភិបាល

វេណេហ្ស៊ុយអេឡា៖ យ៉ាងហោចណាស់មនុស្ស៣នាក់បានស្លាប់ក្នុងអំពើហឹង្សាមួយក្នុងប្រទេសវេណេហ្ស៊ុយអេឡាក្នុងហេតុការណ៍ការធ្វើបាតុកម្មប្រឆាំងនឹងរដ្ឋាភិបាល។ យុវជននិងស្រ្ដីម្នាក់មកពីទីក្រុង Caracas និងទីក្រុង San Cristobal ត្រូវបានបាញ់សម្លាញ់នៅក្នុងក្បែរព្រំប្រទល់ប្រទេសកូឡុំប៊ី និងកងការពារម្នាក់ទៀតត្រូវបានសម្លាប់នៅក្នុងភាគខាងត្បូងទីក្រុង Carascas។ ការបាញ់សម្លាប់នេះកើតនៅក្នុងអំពើហឹង្សារវាងប្រជាពលរដ្ឋរបស់ប្រទេសវេណេហ្ស៊ុយអេឡានិងរដ្ឋាភិបាលក្នុងការតវ៉ាមួយដើម្បីទាមទារអោយមានការបោះឆ្នោតជ្រើសរើសរដ្ឋាភិបាលថ្មី។ មនុស្សប្រហែលជា១០០០០នាក់បានចូលរួមក្នុងការធ្វើបាតុកម្មប្រឆាំងនឹងរដ្ឋាភិបាលនេះ ដើម្បីទាមទារអោយរដ្ឋាភិបាលធ្វើការបោះឆ្នោតជ្រើសរើសប្រធានាធីបតីថ្មី និងទាមទារអោយដោះលែងអ្នកនយោបាយបក្សប្រឆាំងដែលជាប់ពន្ធនាគារ។ មនុស្ស៣០នាក់ត្រូវបានកងកម្លាំងចាប់ខ្លួនបន្ទាប់ពីត្រូវបានកងកម្លាំងប៉ូលីសចោទប្រកាន់ថាពួកគេបានចូលលួចរបស់របរក្នុងហាងក្នងអំឡុងពេលធ្វើបាតុកម្មនេះ។ ការធ្វើបាតុកម្មនេះត្រូវបានគេអោយឈ្មោះថា បាតុកម្មរបាំងមុខប្រឆាំងរដ្ឋាភិបាល។ យ៉ាងណាវិញ ការធ្វើបាតុកម្មនេះកំពុងតែក្ដៅកគុកនៅឡើយក្នុងប្រទេសវេណេហ្ស៊ុយអេឡាដើម្បីទាមទារអោយមានការបោះឆ្នោតជ្រើសរើសប្រធានាធីបតីថ្មី។ បុត្រ ខ្មែរណូត ប្រភព៖ BBC  

កូនអកត្តញ្ញូបណ្ដេញម្ដាយចេញពីផ្ទះ ព្រោះតែខឹងម្ដាយរឿងមិនព្រមអោយលុយប្រាក់ឧបត្ថម្ភ

ប្រទេសចិន៖ កូនប្រុសអកតញ្ញូមួយរូបបានបង្ខំអោយម្ដាយបង្កើតរបស់ខ្លួនដេកនៅក្រៅនិងចាក់សោមិនអោយម្ដាយចូលផ្ទះរយៈពេល៣ថ្ងៃដោយសារតែមិនមានប្រាក់គ្រប់គ្រាន់សម្រាប់មើលថែសុខភាពគាត់។ លោកយាយខាងលើមានអាយុ៨២ឆ្នាំត្រូវបានកូនពៅរបស់គាត់បង្ខំអោយចាកចេញពីផ្ទះដោយសារតែលោកយាយបដិសេដមិនព្រមអោយលុយទៅកូនគាត់៦០ដុល្លារពីប្រាក់ឧបត្ថម្ភដែលគាត់ទទួលបានពីរដ្ឋាភិបាលក្នុងការព្យាបាលជំងឺ។ យោងតាមសារពត៌មាន South China Morning Post បានចុះផ្សាយអោយដឹងថា៖ លោកយាយវ័យចំណាស់ម្នាក់ដែលមិនអាចកម្រើកខ្លួនបានត្រូវបានកូនប្រុសអកតញ្ញូរបស់គាត់បណ្ដេញចេញពីផ្ទះដោយសារតែរឿងប្រាក់ឧបត្ថម្ភ។ ដោយសារតែការអាណិតពីសំណាក់អ្នកជិតខាង លោកយាយខាងលើត្រូវបានអ្នកជិតខាងផ្ដល់កន្លែងស្នាក់នៅបណ្ដោះអាសន្នដល់លោកយាយនិងផ្ដល់ចំណីអាហារបន្ដិចបន្ដូចដល់លោកយាយដើម្បីបរិភោគ។ ប៉ុន្ដែលោកយាយបាននិយាយថា៖ គាត់សុខចិត្តស្លាប់នៅមុខផ្ទះរបស់កូនគាត់ប្រសើរជាងស្លាប់នៅកន្លែងផ្សេង។ ប្ដីរបស់លោកយាយបានស្លាប់កាលពី១៨ឆ្នាំមុនមកម្លេះ។ គាត់មានកូន៤នាក់៖ ប្រុស២ស្រី២។ ប៉ុន្ដែកូនប្រុសពៅរបស់គាត់មិនសូវចុះសម្រុងជាមួយនឹងបងប្អួនគេផ្សេងទៀតឡើយដោយពួកគេតែងតែឈ្លោះគ្នារឿងប្រាក់កាក់។ ក្នុងរឿងបណ្ដេញលោកយាយខាងលើចេញពីផ្ទះធ្វើអោយសហគមន៍ដែលលោកយាយកំពុងតែស្នាក់នៅមានការផ្ទុះកំហឹងយ៉ាងខ្លាំងចំពោះបញ្ហាដែលកូនពៅរបស់គាត់ធ្វើបាបគាត់បែបនេះ។ កូនអកតញ្ញូរូបនេះកំពុងត្រូវបានមហាជនថ្កោលទោសយ៉ាងខ្លាំងចំពោះបញ្ហានេះ។ បុត្រ ខ្មែរណូត ប្រភព៖ NextShark