ពត៌មានជាតិ

chanroth015-jan-240

ច្រឡំជាន់ហ្គែរ ស្មានតែហ្រ្វាំង សាកដើមឈើ ទាំងកណ្តាលថ្ងៃ

នៅ ថ្ងៃទី 26,ខែ January,ឆ្នាំ 2015

ភ្នំពេញ ៖ បុរសម្នាក់បានបើករថយន្ត ជ្រុលចង្កូតបុកដើមឈើ ទាំងកណ្តាលថ្ងៃ ដោយសារច្រឡំ ជាន់ហ្គែរស្មាន តែហ្វ្រាំង កាលពីវេលាម៉ោង១១និង៤០នាទី ថ្ងៃត្រង់ ថ្ងៃទិ២៥ ខែមករា ឆ្នាំ២០១៥នេះ នៅតាមផ្លូវម៉ៅសេទុង មុខសម្អាងការសម្រស់នារី សង្កាត់បឹងសាឡាង ខណ្ឌទួលគោក តែមិនបណ្តាលឲ្យមានគ្រោះថ្នាក់ ដល់មនុស្ស ឡើយ។

ប្រភពនិយាយថា បុរសម្នាក់បានបើករថយន្តម៉ាក Land Cruicer ពណ៌ទឹកប្រាក់ ពាក់ស្លាកលេខភ្នំពេញ 2-E9575 ដឹកក្រុមគ្រួសារមានស្រីប្រុសក្មេងចាស់ចេញ ពីទិញទំនិញនៅផ្សារដើមគរ រួចធ្វើដំណើរតាមផ្លូវ ម៉ៅសេទុងពីជើងទៅត្បូង។ លុះដល់ចំណុចខាងលើក៏ជ្រុលបុកដើមឈើខ្ទេចផ្នែកខាងមុខតែម្តង ។

បុរសអ្នកបើកបរបាននិយាយប្រាប់សមត្ថកិច្ចថា គាត់ច្រឡំជាន់ហ្គែរស្វានតែហ្វ្រាំង ទើបមានគ្រោះថ្នាក់បែប នេះ។ ទោះបីយ៉ាងណាបុរសរូបនោះ មិនបានបញ្ជាក់ពីអត្តសញ្ញាណឡើយ។

ក្រោយកើតហេតុសមត្ថកិច្ចបានស្ទូច យករថយន្តទៅសង់ត្រាល់ ដោះស្រាយតាមច្បាប់៕

ផ្តល់សិទ្ធិដោយ៖ ដើមអម្ពិល


Screen-Shot-2015-01-25-at-8.34.56-PM

រូបថតប៉ុន្មានសន្លឹក ស្តីពីសកម្មភាព មុនពេល ដែលស្រ្តីជនជាតិចិន ថតអាក្រាត ល្វែងលើនៅ ប្រាសាទខ្មែរ

នៅ ថ្ងៃទី 25,ខែ January,ឆ្នាំ 2015

យោងទៅតាម Facebook របស់លោក Chandara Mao គាត់មានរូបថត ប៉ុន្មានសន្លឹកដែលបញ្ជាក់ឲ្យឃើញពីគម្រោងថតរូបអាក្រាតកាយរបស់ស្រ្តីម្នាក់ ដែលមិត្តអ្នកលេង FB កាលពីពេលថ្មីៗនេះ បាន post រិះគន់យ៉ាងចាស់ដៃផងដែរ។ អាស្រ័យហេតុនេះសូមប្រិយមិត្តអ្នកអានទាំងអស់ សូមអាន Status របស់លោក Chandara Mao ទាំងអស់គ្នា ហើយធ្វើការពិចារណា៖

ជឿឬមិនជឿ វាជាសិទ្ធិរបស់លោកអ្នក …!!!

ការថតរូប អាសអាភាសក្នុង ប្រាសាទបូរាណខ្មែរ កំពុងអង្រួនពិភពហ្វេសប៊ុកយ៉ាងខ្លាំង ដែលមកទល់និងម៉ោងនេះ ស្ថាប័នពាក់ព័ន្ធ ជាពិសេស មន្ត្រីអាជ្ញាធរ អប្សរា លោកកំពុងតែមមារញឹក ធ្វើការសិក្សាទៅលើរូបថតមួយចំនួន ដែលបានផុសដោយប្រិយមិត្តខ្លះ ដែលលោកស្រឡាញ់ និងចង់ការពារសម្បត្តិ វប្បធម៌ខ្មែរ គឺលោកចង់ការពារកុំឲ្យមានការបំពានពីសំណាក់ជនបរទេសដែលមានបំណងចង់បំផ្លាញសេចក្តីថ្លៃថ្នូរនៃ វប្បធម៌ សិល្បះខ្មែរ ដ៏មានគុណតម្លៃមហាសាល នេះ។

មានប្រិយមិត្តយើងខ្លះ លោកបានធ្វើការរិះគន់យ៉ាងចាស់ដៃ ដល់ស្ថាប័នដែលពាក់ព័ន្ធ ជាពិសេសដល់ អាជ្ញាធរ អប្សរា ដោយប្រើពាក្យធ្ងន់ៗផង។

ខ្ញុំ សូមជូនរូបចំនួន ០៥សន្លឹក គឺជារូបដែលបានថត រៀបជាឈុតឆាក ដោយអ្នកជំនាញជនជាតិ ចិន ក្នុងប្រាសាទ ព្រះខ័ន ត្រង់ផ្លូវចូល ប៉ែកខាងលិច នៃប្រាសាទ ព្រះខ័ន គឺចម្ងាយប្រមាណជា ២០ម៉ែត្រ ពីក្រុមភ្លេងជនពិការនេះ។

វាគឺជារូប ដែលខ្ញុំបានថតដោយផ្ទាល់ដៃខ្លួនឯង កាលពីចុងឆ្នាំ ២០១៤។

នារីចិន ម្នាក់នេះ គឺជាតួអង្គនៅពេលថត។ ប៉ុន្តែ វាជាការថតឈុត ឆាក ដោយមានលក្ខណ:ថ្លៃថ្នូរ សុភាព រៀបសារបន្តិច ត្រង់ថា សម្លៀកបំពាក់លើដងខ្លួន របស់នាង គឺសឹងតែគ្របដណ្តប់អស់អង្គប្រាណ។

សូមអ្នកដឹកនាំស្ថាប័នខ្លះ ក៏គួរយល់ថា មហាជន ១ចំនួនធំ គ្មានឱកាសបានបញ្ចេញការយល់ដឹង ការរិះគន់កែតម្រូវ ឬក៏ការផ្តល់ជាយោបល់ដល់អ្នកគ្រប់គ្រងប្រទេស តាមរយះស្ថានីយ៍ទូរទស្សន៍ ឬ វិទ្យុ ឡើយ។ គឺមានតែ ហ្វេសប៊ុក ដ៏ពេញនិយមនេះហើយ ដែលអាចជួយផ្តល់ជាព័ត៌មានដល់អស់លោក។

បើពុំនោះសោធទេ អស់-លោក ប្រាកដជាគ្មានដឹងពីចំណុច វិជ្ជមាន ឬ អវិជ្ជមាន នៃការគ្រប់គ្រងរដ្ឋរបស់អស់លោកអ្នកឡើយ ពីព្រោះមន្ត្រីខ្លះ ក្នុងស្ថាប័នរដ្ឋ មិនសូវស្មោះត្រង់និងការទទួលខុសត្រូវលើភារកិច្ចរបស់ខ្លួនឡើយ ដែលនេះសបញ្ជាក់ថា ជនរួមជាតិ របស់ខ្លួនត្រូវទទួលរងនូវការឈឺចាប់ជាប្រចាំ។

គួរកុំត្បិតត្បៀតច្បាប់ទម្លាប់លើការរិះគន់កែតម្រូវខ្លាំងពេកដល់មហាជនណាអស់លោក …!!!

ខ្ញុំ សូមអរគុណដល់អស់លោកមន្ត្រីយើងមួយចំនួន មាន រដ្ឋលេខធិការ អនុរដ្ឋលេខាធិការ អ្នកតំណាងរាស្ត្រ មន្ត្រីគ្រប់ស្ថាប័នជាតិ និង ជនរួមជាតិយើង ដែលក្នុងករណីខ្លះ លោកតែងបានផ្តល់ព័ត៌មានដោយផ្ញើរូប ឬ ឆាតទៅខ្ញុំសាកសួរនាំពីព័ត៌មានផ្សេងៗ ជាប្រចាំ។

សូមកុំនិយាយថា ពួកអ្នកសរសេរលើទំព័រហ្វេសប៊ុក សុទ្ធតែជាមនុស្សភូតកុហក់ឲ្យសោះ ហើយដែលករណីខ្លះ គឺអ្នកសារព័ត៌ក្រដាស វិទ្យុ ឬ ទូរទស្សន៍ បែបអាជីពផង ក៏ទៅយកព័ត៌មានមកផ្សាយជូនទស្សនិកជន មិនទាន់អ្នកប្រើប្រាស់បណ្តាញសង្គម ហ្វេសប៊ុក ដែរ … សូមជ្រាប៕

Screen Shot 2015-01-25 at 8.34.56 PM

10414880_834033279994019_99951492497963338_n10422434_834033303327350_6260127971743813254_n


chanroth015-jan-235

ប្រច័ណ្ឌប្រពន្ធ រឿងសហាស្មន់ បងកាប់អូន ២ខ្វែវ ផ្តាច់ជីវិត

នៅ ថ្ងៃទី 25,ខែ January,ឆ្នាំ 2015

កណ្តាល៖ ហេតុការណ៍ ដ៏ភ្ញាក់ផ្អើលមួយ បានកើតមានឡើង ធ្វើឲ្យប្រជាពលរដ្ឋមានការរន្ធត់ចិត្តជាខ្លាំង ដោយ សារតែ ប្តី-ប្រពន្ធមួយគូ បានឈ្លោះប្រកែក ឈានដល់អំពើហិង្សាដោយ ប្តីបានយក ខ្វែវកាប់ទៅលើប្រពន្ធ ចំនួន២ខ្វាវ ត្រូវចំថ្ពាល់ឆ្វេងដាច់ពីគុម្ពត្រចៀក ដល់មាត់ និងមួយខ្វាទៀតចំក្បាលដល់ចង្ការ។

ហេតុការណ៍ករណីឃាតកម្មនេះ បានកើតឡើងនៅថ្ងៃទី២៥ខែមករា ឆ្នាំ២០១៥ ម៉ោង១០និង៣០នាទី នៅ ចំណុចក្រោមផ្ទះជនរងគ្រោះភូមិឃ្លាំងមឿង ជើងឃុំព្រែកអំពិល ស្រុកខ្សាច់កណ្តាល ខេត្តកណ្តាល។

ជនរងគ្រោះឈ្មោះ ហ៊ីង រឿន ភេទស្រីអាយុ៥៣ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំកើតហេតុ ជាប្រពន្ធ ( ស្លាប់ )ជនល្មើស ឈ្មោះ រិត ជ្រឿន ភេទប្រុសអាយុ៥៨ឆ្នាំជនជាតិ ខ្មែរ មុខរមរ កសិករ នៅភូមិ ឃុំកើតហេតុ ជាប្តី(រត់គេចខ្លួន)។

កន្លងមកជនរងគ្រោះ និងជនល្មើសតែងតែមានទំនាស់ ជាមួយគ្នាជាញឹកញាប់ ដោយជនល្មើសជាប្តី ប្រច័ណ្ឌ ប្រពន្ធថាមានសហាយស្មន់ ។

អ្នកទាំងពីរមានទំនាស់និងគ្នា នៅក្រោមផ្ទះ ពេលនោះកូនស្រីឈ្មោះជ្រឿន អូន អាយុ២៤ឆ្នាំ បានចូលមកឃាត់ ដោយស្រែកថា ម៉ែឯង ពុកឯងម៉េចចេះតែឈ្លោះគ្នាអញ្ជឹង តែអ្នកទាំងពីរ មិនស្តាប់ទេ ភ្លាមនោះជនល្មើស បានយកកាំបិទខ្វែវមកកាប់ជនរងគ្រោះ ត្រូវថ្ពាល់ឆ្វេង ដាច់ពីគុម្ពត្រជៀក ដល់បបូលមាត់ បណ្តាលឲ្យជន រងគ្រោះ ដួលលត់ជង្គង់បន្ទាប់មកជន ល្មើសកាប់១កាំបិត ទៀតត្រូវចំមុខពីក្បាលរហូតដល់ចង្កា ជំរៅដាច់ឆ្អឹង លលាដ៍ បណ្តាល ឲ្យស្លាប់នៅ និងកន្លែងពេលនោះជនសង្សយ័បានរត់ខ្លួន។ ករណីនេះកំលាំងនគរបាល កំពុង ស្រាវជ្រារកមុខសញ្ញា ៕

ផ្តល់សិទ្ធិដោយ ដើមអម្ពិល


1520627_10152725080368985_8539215516728735110_n

របៀបធ្វើ ចេកឆឹងស្ករ

នៅ ថ្ងៃទី 25,ខែ January,ឆ្នាំ 2015

១- បកចេក ត្រាំទឹកក្បុង ឬ ទឹកកំបោរ មួយម៉ោង ហើយស្រង់សម្រស់ទឹកចេញ លាងអោយស្អាត។

២- កម្លោចស្ករអោយក្រហម ទើបចាក់ចេកចូល ថែមអំបិលបន្តិច រំងាស់ទាល់តែចូលជាតិស្ករ ក្នុងសាច់ចេក។

៣- ចេកប្រាំ ស្ករមួយវែក។ បើមិនចង់ផ្អែម អាចបន្ថយស្ករបាន។

៤- បើអត់ទឹកកំបោរ ឬទឹកក្បុង សូមយកចេកដែលមិនទាន់ទុំជោរ ទៅចៀនសិន សឹមឆឹងស្ករ។

ដកស្រង់ចេញពីទំព័រ៖ អ្នកស្រី កែវ ច័ន្ទបូរណ៍

560169_10152725080028985_397180640575660336_n 1520627_10152725080368985_8539215516728735110_n


10418496_373622606142870_3122886384346459138_n copy

អាជ្ញាធរអប្សរា ថ្កោលទោស ជាខ្លាំង ចំពោះរូបស្រី ឈរថតអាក្រាតកាយ នៅក្នុងប្រាសាទ (Update)

នៅ ថ្ងៃទី 25,ខែ January,ឆ្នាំ 2015

ភ្នំពេញ ៖ អាជ្ញាធរជាតិអប្សរា ធ្វើការថ្កោលទោស យ៉ាងខ្លាំងក្លា ជាទីបំផុត ចំពោះរូបភាពអាក្រាត ពាក់កណ្តាល ខ្លួន ស្ត្រីម្នាក់ឈរនៅមុខប្រាសាទ ព្រោះប្រាសចាកផ្ទុយទាំងស្រុង ពីសីលធម៌ និងវប្បធម៌ខ្មែរ។

ការចេញប្រតិកម្មរបស់អាជ្ញាធរជាតិអប្សរានេះ បានធ្វើឡើងបន្ទាប់ពីបានឃើញ នៅក្នុងបណ្តាញទំនាក់ទំនង សង្គមហ្វេសប៊ុក បានបង្ហោះរូបភាពស្រ្តីអាក្រាត ជាច្រើនសន្លឹក កាលពីប៉ុន្មានថ្ងៃកន្លងមក។

យោងតាមសេចក្តីប្រកាសព័ត៌មាន របស់អាជ្ញាធរជាតិអប្សរា នៅថ្ងៃទី២៤ ខែមករា ឆ្នាំ២០១៥បានឲ្យដឹងថា ការឈរថតរបស់ស្រ្តីម្នាក់នេះបានធ្វើឲ្យអាប់អោន យ៉ាងធ្ងន់ធ្ងរដល់បេតិកភណ្ឌជាតិ និងកិត្តិយសនារីភេទ ផងដែរ។

អាជ្ញាធរជាតិអប្សរា នឹងធ្វើការស្រាវជ្រាវរកការពិត ព្រមទាំងប្តេជ្ញាអនុវត្តន៍និតីវិធីច្បាប់ តាមគ្រប់ រូបភាព ដើម្បីធ្វើការផ្តន្ទាទោស ចំពោះការប្រព្រឹត្តបែបអាសអាភាស និងខ្វះការពិចារណា។ ម្យ៉ាងវិញទៀតអាជ្ញាធរជាតិអប្សរា ក៏អំពាវនាវដល់ជនរួមជាតិទាំងអស់ចូលរួម ក្នុងការផ្តល់ព័ត៌មានជាតម្រុយ ដែលអាចនាំឲ្យរកឃើញការពិតក្នុងករណីនេះ៕

ផ្តល់សិទ្ធិដោយ ដើមអម្ពិល


S_0290

សាកលវិទ្យាល័យ ល្បីៗ​ទាំង១០ នៅលើ​ពិភពលោក និស្សិត​ប្រាថ្នា​ចង់​ទៅ​សិក្សា​បំផុត

នៅ ថ្ងៃទី 25,ខែ January,ឆ្នាំ 2015

បរទេស៖ យោងតាមគេហទំព័រ របស់ All Top Ten នៅថ្ងែទី២៧ ខែមិថុនា ឆ្នាំ២០១៤ បានបង្ហាញឲ្យដឹងថា សាកលវិទ្យាល័យពិតជាដើរតួនាទី យ៉ាងសំខាន់សម្រាប់ និស្សិតគ្រប់រូប ដែលមានបំណងប្រាថ្នា ចង់បន្តការសិក្សា។ ជាការពិតណាស់ ក្ដីសុបិនរបស់និស្សិតម្នាក់ៗ បន្ទាប់ពីបានប្រលងជាប់បាក់ឌុបរួច តែងតែរំពឹងទុកថា ពួកគេនឹងបានទៅរៀនបន្តទៀត នៅឯសាកលវិទ្យាល័យណាល្អៗ ដើម្បីទទួលបានការងារល្អ សម្រាប់ថ្ងែអនាគតរបស់ពួកគេ។ ដូច្នោះខាងក្រោមនេះ ជាសាកលវិទ្យាដ៏ល្បីល្បាញទាំង១០នៅលើពិភពលោក ដែលនិស្សិតគ្រប់ប្រទេស តែងតែប្រាថ្នា ចង់ទៅសិក្សាបំផុត៖

១០. សាកលវិទ្យាល័យ Chicago (US)
កម្មវិធីសិក្សា នៅសាកលវិទ្យាល័យនេះ ផ្ដោតទៅលើប្រព័ន្ធអប់រំ ដែលមានលក្ខណៈខុសប្លែកពីសាកលវិទ្យាល័យដទៃទៀត មិននតំរូវឲ្យសិស្សសិក្សា ទៅតាម ឯកសារចាស់ៗ ឬស្នាដៃដែលបន្សល់ទុក ពីមុនមកនោះទេ គឺវាតំរូវឲ្យនិស្សិត ធ្វើការវិភាគ និងពន្យល់ទៅនឹងចំណេះដឹងថ្មីៗ ជាជាងការបង្រៀន របស់សាស្រ្តាចារ្យ។

៩. សាកលវិទ្យាល័យ កាលីហ្វ័រញ៉ា, ប៊ើឃើលី (US)
ជាសាកលវិទ្យាល័យ មានកេរ្តិ៍ឈ្មោះដ៏ល្បី ដែលនៅទីនោះ មានបណ្ណាល័យ និងទីកន្លែងពិសោធជាច្រើន មានវិសាលភាពនៃការស្រាវជ្រាវ ព្រមទាំងបោះពុម្ពផ្សាយ ដោយខ្លួនឯង ជាពិសេសនិស្សិត ដែលទៅសិក្សានៅទីនោះ នឹងទទួលបានភាពប៉ិនប្រសប់ ព្រមទាំងចំណេះដឹង ដ៏ប្រសើរជាច្រើនដូចជា សេដ្ឋកិច្ច វប្បធម៌ សីលធម៌ និងទីតាំងភូមិសាស្រ្ត។

៨. មហាវិទ្យាល័យអធិរាជ ទីក្រុងឡុងដ៍ (UK)
សាកលវិទ្យាល័យនេះ ត្រូវបានបង្កើតទ្បើង នៅក្នុងឆ្នាំ ១៩០៧ ត្រូវបានគេស្គាល់ថា សម្រាប់សិស្សអាហារូបករណ៍ ថ្នាក់ពិភពលោក។ ការអប់រំ និងការស្រាវជ្រាវមានដូចជា វិទ្យាសាស្រ្ត វិស្វកម្ម ឱសថ ដែលការសិក្សាអប់រំប្រកបដោយការ យកចិត្តទុកដាក់ ជាពិសេស កម្មវិធីរបស់សាលា ក៏មានរួមបញ្ចូលទាំងផ្នែក ឧស្សាហកម្ម ពាណិជ្ជកម្ម និងការថែទាំសុខភាព។

៧. សាកលវិទ្យាល័យ Cambridge (UK)
ជាសាកលវិទ្យាល័យ មានវ័យចំណាស់បំផុត លើពិភពលោក និងក៏ជាសាកលវិទ្យាល័យ ដ៏ធំផងដែរ នៅក្នុងប្រទេសអង់គ្លេស។ Cambridge ត្រូវបានល្បីថា សម្រាប់ការសិក្សា ដ៏លេចធ្លោ និងលំដាប់ពិភពលោក ដែលឯកសារសម្រាប់ការសិក្សាស្រាវជ្រាវ របស់និស្សិត គឺត្រូវបានធ្វើឡើង ដោយសាស្រ្តាចារ្យ នៃសាកលវិទ្យាល័យ និងមហាវិទ្យាល័យផ្ទាល់តែម្ដង។

៦. សាកលវិទ្យាល័យ Princeton (US)
ផ្តល់ឲ្យសិស្ស-និស្សិត របស់ខ្លួន ជាមួយនឹងការសិក្សា និងបន្ថែមនូវជំនាញផ្សេងៗទៀត អាចជួយឲ្យពួកគេ ប្រកួតប្រជែង ក្នុងកម្រិតសិក្សា ដ៏ខ្ពស់បំផុត និងរៀបចំឲ្យពួកគេ ក្លាយជាអ្នកដឹកនាំដ៏ល្អ ដើម្បីបម្រើដល់កិច្ចខិតខំប្រឹងប្រែង ជាផលប្រយោជន៍របស់មនុស្សជាតិ។

៥. វិទ្យាស្ថានបច្ចេកវិទ្យាកាលីហ្វ័រញ៉ា (US)
បេសកកម្មរបស់វិទ្យាស្ថាននេះ គឺដើម្បីបង្កើនចំណេះដឹង និងផ្ដល់នូវផលប្រយោជន៍ ជូនសង្គមមនុស្ស តាមរយៈការស្រាវជ្រាវ ដែលបានរួមបញ្ចូល ជាមួយនឹងការអប់រំ។ វាជាវិទ្យាស្ថានមួយ មានកេរ្តិ៍ឈ្មោះ និងឈានមុខគេសម្រាប់ ការអប់រំជាន់ខ្ពស់។

៤. វិទ្យាស្ថានបច្ចេកវិទ្យា រដ្ឋម៉ាសាឈូសេត (US)
និស្សិតនៅវិទ្យាស្ថាន ត្រូវបានផ្ដល់ការអប់រំខ្ពស់ រួមបញ្ចូលគ្នានូវការសិក្សាយ៉ាងហ្មត់ចត់ ដែលជួយបង្កើនបញ្ញា ដល់និស្សិត និងធ្វើឲ្យនិស្សិត មានភាពខ្លាហាន។

៣. សាកលវិទ្យាល័យ Harvard (US)
វាគឺជាសាកលវិទ្យាល័យ ដ៏ល្អបំផុត ក្នុងការបង្រៀន ក៏ដូចជាការស្រាវជ្រាវ និងការអភិវឌ្ឍ ដើម្បីឲ្យក្លាយខ្លួនជា មេដឹកនាំដ៏ល្អ ដែលការបង្រៀន មានលក្ខណៈខុសប្លែក ពីសាកលវិទ្យាល័យផ្សេងៗទៀត នៅសហរដ្ឋអាមេរិក។ ក្នុងនោះនៅប្រទេសកម្ពុជា ត្រូវបានគេដឹងថា កូនប្រុសច្បងរបស់សម្ដេច តេជោ ហ៊ុន សែន លោក ហ៊ុន ម៉ាណែត ក៏ធ្លាប់បានទៅបន្តការសិក្សានៅក្នុង សាកលវិទ្យាល័យនេះតែ ។

២. សាកលវិទ្យាល័យ Stantford (US)
ទទួលស្គាល់ថា ជាស្ថាប័នមួយ នៃការស្រាវជ្រាវ និងការបង្រៀនឈានមុខគេ របស់ពិភពលោក ដែលធ្វើឲ្យសិស្ស ទទួលបាន ចំណេះ ដឹងត្រចះត្រចង់។

១. សាកលវិទ្យាល័យ Oxford (UK)
Oxford គឺជាសាកលវិទ្យាល័យ វ័យចំនាស់មួយ ដែលត្រូវបានគេស្គាល់ថា សម្រាប់ការបង្រៀន និងការស្រាវជ្រាវ។ វាបានទាក់ទាញសិស្ស និងអ្នកប្រាជ្ញជាច្រើន មកពីទូទាំងពិភពលោក៕

ផ្តល់សិទ្ធិដោយ៖ Lookingtoday


2501139500000578-2924504-image-a-41_1422107489652

សកម្មជន ISIS ត្រូវជនជាតិជប៉ុន កាត់រូបភាព ឌឺដងយ៉ាងចាស់ដៃ មុនពេលសម្លាប់ចំណាប់ ខ្មាំងម្នាក់

នៅ ថ្ងៃទី 25,ខែ January,ឆ្នាំ 2015

កាលពីថ្ងៃអង្គារ កន្លងទៅ ក្រុមសកម្មជន ISIS បានបង្ហោះខ្សែវីដេអូមួយ ដែលបង្ហាញពី សកម្មភាពគំរាមសម្លាប់បុរសជនជាតិ ជប៉ុន២នាក់ឈ្មោះ Haruna Yukawa និង Kenji Goto ដោយទុករយៈពេល៧២ម៉ោងអោយរដ្ឋាភិបាលជប៉ុនពិចារណានឹងការ ប្រគល់ប្រាក់ចំនួន ២០០លានដុល្លារ ជាថ្នូរនឹងការដោះលែងចំណាប់ខ្មាំង។

 

គិតមកដល់ថ្ងៃនេះ វាហួសពេលកំណត់៧២ម៉ោងទៅហើយ ហើយកាលពីពេលថ្មីៗនេះសកម្មភាព ISIS បានបង្ហោះខ្សែវីដេអូមួយ ដែលបង្ហាញពីចំណាប់ខ្មាំងម្នាក់ឈរកាន់រូបថត ចំណាប់ខ្មាំងម្នាក់ទៀត ដែលត្រូវបានគេសម្លាប់ ហើយចំណាប់ខ្មាំងម្នាក់ចុងក្រោយនេះ សកម្មភាព ISIS ទុកគំរាមរដ្ឋាភិបាលជប៉ុន អោយដោះលែង នាង Sajedah Rishawi ជាប្អូនស្រីរបស់ពួក ISIS ដែលត្រូវបាន ចាប់ខ្លួនដោយអាជ្ញាធរ ហ្ស៊កដានី ដើម្បីជាថ្នូរនឹងការដោះលែងចំណាប់ខ្មាំងម្នាក់ទៀត។

 

មុនពេលចំណាប់ខ្មាំងម្នាក់ត្រូវបានគេសម្លាប់ រូបភាពសកម្មជន ISIS ត្រូវបានគេយកទៅកាត់ត ឌឺដង និងចែកចាយ ពេញអិនធើណេត យ៉ាងចាស់ដៃពីសំណាក់ប្រជាជនជប៉ុន ក្នុងចំអកអោយក្រុមសកម្មជននោះ។ រូបភាពទាំងនោះមានលក្ខណៈកំប្លែងយ៉ាងខ្លាំង ល្មមធ្វើអោយសកម្មជន ISIS ក្តៅស្លឹក ត្រចៀកដែរ។ ទស្សនារូបភាពកាត់តឌឺដង ខាងក្រោម៖

 

ដោយ៖ ខ្មែរណូត

24FDE66F00000578-0-image-a-20_1422098789490 2500A7B900000578-2924504-Defiant_One_of_the_Islamic_State_s_largest_weapons_in_its_so_cal-m-32_1422099990440

2500AA1D00000578-2924504-Helpless_As_the_72_hour_deadline_to_save_the_captives_passed_wit-m-30_1422099970208 2500AB1B00000578-0-image-a-21_1422098796475 2500B28600000578-2924504-image-a-23_1422099268186 25003A0400000578-2924504-Hitting_back_The_Japanese_public_have_hit_back_at_the_latest_Isl-m-31_1422099979046 25003A1400000578-0-image-a-19_1422098773079 250113A100000578-2924504-image-a-40_1422107443392 2501139C00000578-2924504-image-a-39_1422107330104 2501138900000578-2924504-image-a-38_1422107322274

2501139500000578-2924504-image-a-41_1422107489652


chetha-104

មើលចរិតមនុស្ស តាមរយៈការសើច

នៅ ថ្ងៃទី 25,ខែ January,ឆ្នាំ 2015

សំណើចជាអាការ មួយដែលងាយនឹង សម្តែងចេញមក ដោយធម្មជាតិរបស់មនុស្ស និងដែលបង្ហាញឲ្យឃើញ យ៉ាងច្បាស់ពីចរិត របស់យើងតាមរយៈការសើច ទាំងបែបអឹមអៀន និងបែបការសើចក្អាកក្អាយ។

១. សើចដោយងើបក្បាលត្រង់ៈ ជាការប្រាកដណាស់ ! អ្នកមិនចូលចិត្តបញ្ចេញ អាកប្បកិរិយា និងចិត្តគំនិតដែល កំពុងគិតឲ្យអ្នកក្រៅដឹងទេ។ បើមានរឿងអ្វីរក្សា ទុកក្នុងចិត្តជាពិសេស នឹកគុំនៅក្នុងចិត្តទុក ចំពោះអ្នកណាដែលមាន បំណងអាក្រក់ចំពោះខ្លួន។ អ្នកចូលចិត្តដកថយ ដោយខ្លួនឯងនៅពេលមានរឿងអ្វីមួយ និងស្ថិតក្នុងលក្ខណៈទប់ទល់។ ក៏ប៉ុន្តែអ្នកគួរតែបន្ធូរ អារម្មណ៍របស់អ្នកមកវិញ។

២. សើចដោយឈ្ងោកមុខ ឬយកដៃទ្រក្បាល

អ្នកចូលចិត្តឲ្យគេ យកចិត្តទុកដាក់លើខ្លួន ហើយអ្នកចូលចិត្ត ធ្វើអ្វីទាំងអស់ ដើម្បីឲ្យគេពេញចិត្តនឹងខ្លួន។ អ្នកត្រូវការឲ្យ គេជឿជាក់ចំពោះខ្លួន និងឲ្យគេផ្គាប់ផ្គុនខ្លួន គោរពខ្លួន ជូនរង្វាន់ដល់ខ្លួន នៅពេលមានពិធីបុណ្យអ្វីមួយ។ ចូរអ្នកទុកចិត្តចុះ ការមានភាពក្លៀវក្លា ហួសហេតុដូចអ្នកយ៉ាងនេះ គ្មានអ្នកណាអាច បំភ្លេចអ្នកចោលទេ។

៣. សើចដោយ យកដៃទាំង២បាំងមុខ

អ្នកជាប្រភេទ មនុស្សនិយាយស្តី ចេះលាក់ការសម្ងាត់ ដែលជានិច្ចជាកាល មានការភ័យខ្លាចក្នុងការធ្វើអ្វីដែល រំខាន់ដល់គេ និងមិនចង់ឲ្យគេយកចិត្ត ទុកដាក់នៅលើខ្លួនទេ ព្រោះតែហេតុនេះហើយ ទើបអ្នកចូលចិត្តលាក់ខ្លួន ជិតទាំងអស់ក៏អាចលាក់មុខ នៅក្នុងរង្វង់ដៃ របស់អ្នកដែរ។ ជាការគួរឲ្យសោកស្តាយ ពីព្រោះផ្ទៃមុខដែល រំលេចដោយបបូរមាត់ សើចជាកត្តាមួយដែលមានឥទ្ធិពល ខ្លាំងក្លាក្នុងការអូសទាញ អារម្មណ៍អ្នកឯទៀត។

៤. សើចលាន់ក្អាកក្អាយ ចេញអស់ពីពោះ

អ្នកជាមនុស្ស ចូលចិត្តការសប្បាយ មានចរិតមិន សូវគិតគូរច្រើន ហើយមានចិត្ត ស្មោះត្រង់ល្អណាស់។ អ្នកមិនមែនជាមនុស្ស លាក់លៀមការពិតនោះទេ ព្រោះអ្នកជាមនុស្សចូលចិត្តនិយាយត្រង់ទៅ ត្រង់មកជានិច្ច ទោះបីជាដឹងថា គេមិនពេញចិត្តក៏ដោយ។ អ្នកពិតជាមនុស្សមានចរិតក្លាហានមែន។

៥. សើចបែបលាក់កំណួច

សំណើចរបស់ អ្នកបញ្ជាក់ពីចរិត ឥតអៀនខ្មាស់បន្តិច ដែលជួនកាល អាចបញ្ជាក់ថា អ្នកជាមនុស្សឆ្មើង ឬមើលងាយគេ។ តាមការពិតអ្នកបិទបាំង នូវចរិតខ្វះខាតមួយ គឺគ្មានជំនឿចិត្តនៅលើខ្លួនឯង ហើយខំសម្តែងអាការវាយឬក ដូចជាយល់ច្បាស់លាស់ណាស់។ ទោះបីជាយ៉ាងណាក្តីអ្នកត្រូវ ព្យាយាមកែចរិត មិនល្អនេះដោយខ្លួនឯង ចេញទើបជាការប្រសើរ៕

Photo by LookingTODAY

ផ្តល់សិទ្ធិដោយ៖ Lookingtoday


chanroth015-jan-219

ស្រ្តីជាម្តាយ ដែលកូនស្រី ត្រូវយុវជនម្នាក់ ពង្រត់យកទៅបាត់ បង្ហាញពី អារម្មណ៏ឈឺចាប់ និងសូមឲ្យម្តាយ គ្រប់យល់ ពីទុក្ខសោកនេះ

នៅ ថ្ងៃទី 25,ខែ January,ឆ្នាំ 2015

អាស្រ័យ ដោយមានកិច្ចផ្តល់ និងទទួលព័ត៌មាន ជាសាធារណៈ ចំពោះករណីកូននាងខ្ញុំឈ្មោះ នៅ សុខលែន ក្នុងន័យការពិត និងដើម្បីជាផលប្រយោជន៍ សាធារណៈជន និងចំពោះអ្នកម្តាយទាំងអស់ ព្រមនារីជាកូនស្រី ទទួលបាននូវបទពិសោធន៍ដ៏ជូរចត់នេះ និងដើម្បីកិច្ចប្រុងប្រយ័ត្នបញ្ជៀសនូវបញ្ហាអាស្រូវនេះ កុំឲ្យកើតមាន ចំពោះគ្រួសារ និងរូបអ្នកទាំងអស់គ្នា។

ជាបឋមខ្ញុំសូមថ្លែងអំណរគុណចំពោះរាល់សមត្ថកិច្ចគ្រប់ជាន់ថ្នាក់ ដែលបានផ្តល់សេវាកម្ម ប្រកបដោយ ប្រសិទ្ធិភាព ដែលនាងខ្ញុំទទួលបានកូនស្រីមកវិញ ជួបជុំគ្រួសារ ហើយក៏ជារង្វាន់ដ៏ធំធេងមួយសម្រាប់ ឆាកជីវិត របស់នាងខ្ញុំជាស្រី្តមេម៉ាយម្នាក់។ នាងខ្ញុំគ្មានបំណងចង់យាយី ឬបំផ្លាញនូវសេចក្តីសម្រេចចិត្តរបស់ជនណាម្នាក់ នោះឡើយ គឺគ្រាន់តែចង់ស្វែងរក សេចក្តីសុខសាន្ត និងតម្លៃជាស្រី្តខ្មែរម្នាក់ប៉ុណ្ណោះ។

នៅក្នុងនាមជាស្រ្តីខ្មែរម្នាក់ បើទោះជានៅក្នុងភាពក្រីក្រយ៉ាងណាក៏ដោយ ក៏នាងខ្ញុំនៅតែគោរពនូវប្រពៃណីខ្មែរ ជានិច្ចកាល ដើម្បីកិត្តិយសសង្គមជាតិ និងគ្រួសារ ជាពិសេសសិទ្ធិរបស់ស្ត្រីជាម្តាយ សិទ្ធិរបស់ស្ត្រីជាកូន និង សិទ្ធិរបស់ស្ត្រីជាសង្សា ដែលត្រូវបានទទួលកិច្ចការពារសមរម្យ ដោយច្បាប់។

តើស្រ្តីជាម្តាយអាចទទួលបានសិទ្ធិ ក្នុងកិច្ចការពារផលប្រយោជន៍កូនបានដែរឬទេ នៅពេលដែលកូនរបស់ខ្លួន ឋិតនៅក្រោមឥទ្ធិពលការលួងលោម បោកបញ្ឆោទឲ្យធ្លាក់ក្នុងអន្លង់ស្នេហ៍អន្ធពាល ដែលចាស់លោកពោលថា “ នៅពេលដែលឋិតនៅក្នុងឥទ្ធិពលស្នេហ៍ គឺអ្នកពុំអាចមានលទ្ធភាពវិនិច្ឆ័យនូវបញ្ហាអ្វីបានឡើយ ក្រៅពីស្រឡាញ់ (ខ្វាក់) ” មា្តយខ្មែរទាំងអស់មិនត្រឹមតែស្រឡាញ់ថ្នាក់ថ្នមកូនតែប៉ុណ្ណោះនោះទេ ក៏ប៉ុន្តែព្រហ្មវិហារធម៌ ដែល ម្តាយខ្មែរស្រឡាញ់កូន គឺតាមថែរក្សាកូន និតនៅរហូតដល់ខ្លួននឹងបាត់បង់ជីវិត។ តើកូនប្រុសជាសង្សានោះ អាចធ្វើអ្វីគ្រប់បែបយ៉ាង មិនទទួលខុសត្រូវ ប្រាស់ចាកពីសេចក្តីថ្លៃថ្នូររបស់តម្លៃវប្បធម៌ខ្មែរ ជំនួសដោយការដាក់ គំរាម បំភិតបំភ័យ ពង្រត់ បញ្ជៀស ឬពង្វក់កូនស្រីរបស់យើងក្នុងកិច្ចជំរិតមាតាបិតា ឲ្យឆ្លើយតបនូវ ផលប្រយោជន៍របស់កូនប្រុស(ផ្តាច់មុខ) ដោយពុំកោតក្រែង និងវប្បធម៌ កិត្តិយស ឬច្បាប់នៅក្នុងសង្គម? ដោយយកហេតុផលដាក់បន្ទុកទៅលើកូនស្រីពីំមូលហេតុស្រឡាញ់ និងស្មោះស្ម័គ្រ ជាទឡ្ហីករណ៍ ដើម្បីប្រាស់ ចាកពីការទទួលខុសត្រូវ (និទ្ទណ្ឌភាព)។ តើផលប្រយោជន៍ និងសណ្តាប់ធ្នាប់សាធារណៈបែបណា សម្រាប់ មនុស្សស្រីជាម្តាយ មនុស្សស្រីដែលជាកូនកំពុងរស់នៅ ដែលឋិតនៅក្នុងភាពភិតភ័យ ចំពោះការយាយី និង ប្រមាថ បំពាន ពីមនុស្សប្រុស ដែលមានចរិកដូចនេះ។ ជាចំណុចនេះហើយ ដែលនាងខ្ញុំជាម្តាយ ក៏ដូចជា ម្តាយដទៃទៀតនៅក្នុងកម្ពុជា ឋិតនៅក្នុងភាពបារម្មណ៍ជាអចិន្ត្រៃយ៍។ តើមនុស្សប្រុសមានវិន័យបែបណា ឆ្លើយតបនិងការភិតភ័យរបស់ម្តាយ និងការបាត់បង់អនាគតរបស់កូនស្រី ដែលជាជនរងគ្រោះ ព្រោះតែស្នេហា ដែលកើតចេញពីការលួងលោម ឬបោកបញ្ឆោទពីប្រុសដែលខ្លួនឥតមានវិន័យ និងការទទួលខុសត្រូវ? តើម្តាយខ្មែរសម័យកាលនេះលហើយ នៅតែឋិតនៅក្នុងចំណាប់ខ្មាំងរបស់មនុស្សប្រុសដែលគ្មានវិន័យ និង សេចក្តីថ្លៃថ្នូរ ជាមួយនិងគ្មានការទទួលខុសត្រូវចំពោះសង្គមនេះ?

ខ្ញុំជាម្តាយខ្មែរ ក៏ដូចជាស្ត្រីខ្មែរដទៃទៀត គឺមានកាតព្វកិច្ចរបស់ខ្លួនជាមួយ និងការបារម្មណ៍ ជាមួយកូនមានភាព ខុសប្លែកពីស្រ្តីជាម្តាយដែលរស់នៅក្នុងវប្បធម៌លោកខាងលិច ដែលគេបីបាច់ថែរក្សាកូនត្រឹមតែកូនស្រី មានអាយុ១៨ឆ្នាំតែប៉ុណ្ណោះ។ បន្ទុកនៃក្តីបារម្មណ៍របស់ម្តាយខ្មែរ គឺមានរហូតដល់កូនមានបុត្រា បុត្រីជាចៅ។ នេះជាទុក្ខកង្វល់របស់ស្រី្តខ្មែរ ដែលជាម្តាយនោះមិនគិតពីទុក្ខរបស់ស្រ្តីខ្មែរ ចំពោះស្វាមីរបស់ខ្លួនផងទេ។

នៅក្នុងន័យនេះដែរ នាងខ្ញុំសូមថ្លែងអំណរគុណដល់សម្តេចគិតិព្រឹទ្ធបណ្ឌិត ប៊ុនរ៉ានី ហ៊ុន សែន ដែលសម្តេច ចេញមុខការពារដោះស្រាយ រំសាយទុក្ខរបស់ស្រី្តខ្មែរទាំងអស់ដោយញ្ញ៉ាំងឲ្យមានច្បាប់ “ ឯកព័ន្ធភាព ”។ តើមានប្រសិទ្ធិភាព នៃច្បាប់ណាមួយ ដែលបញ្ជៀសនូវទឹកភ្នែករបស់ម្តាយ និងកូនស្រី ដែលប្រាស់ចាកពី ការបំពានរបស់មនុស្សប្រុស ដោយគ្រាន់តែយកសេចក្តីស្រឡាញ់ស្មោះស្ម័គ្រមកធ្វើជាខែល ដើម្បីបិទបាំងទង្វើ និងជំរិត រំលោភ ឬបំបាត់សេចក្តីថ្លៃថ្នូររបស់វប្បធម៌ខ្មែរ បំពាននូវសេចក្តីសុខសាន្តរបស់គ្រួសារខ្មែរ ពង្រត់ ពង្វៀង ដាក់សម្ពាធ និងគំនាបដល់ក្រុមគ្រួសារ ដើម្បីទទួលបានផលប្រយោជន៍ទាំងលុយកាក់ និងផលប្រយោជន៍របស់ មនុស្សប្រុស ហាក់ដូចជាក្រុមភេរវកម្មយកជីវិតមនុស្សដើម្បីថ្នូរ និងផលប្រយោជន៍របស់គេ។

តើពេលណាបានសង្គមខ្មែរប្រាស់ចាកពីជនភេរវកម្មស្នេហានេះ ដើម្បីកិត្តិយសសង្គម និងលើកដំកើងវប្បធម៌ ខ្មែរ។ នាងខ្ញុំនៅតែមានជំនឿទុកចិត្ត ចំពោះសម្តេចគិតិព្រឹទ្ធបណ្ឌិត ប៊ុនរ៉ានី ហ៊ុន សែន ដែលសម្តេចជា ភរិយាទីមួយ និងម្តាយទីមួយរបស់ខ្មែរ សម្តេចនឹងបំបាត់ចោលនូវសកម្មភាពរបស់ភេរវករស្នេហានេះ ដែលធ្វើឲ្យ ម្តាយខ្មែរ លែងមានទឹកភ្នែកស្រក់ និងបារម្មណ៍តក់ស្លុតចំពោះហេតុការណ៍ ដែលកើតមានជាយថា ហេតុចំពោះ គ្រួសារណាមួយ។ នាងខ្ញុំសូមអំពាវនាវដល់ម្តាយខ្មែរទាំងអស់ក្រោកឈរប្រឆាំង និងសកម្មភាពពាល ដែល ធ្វើឲ្យខូចសេចក្តីថ្លៃថ្នូរ វប្បធម៌ខ្មែរ។ “ និទ្ទណ្ឌភាពចំពោះករណីពង្រត់ បញ្ជៀសកូនស្រីពីក្រុមគ្រួសារ គឺជាការ លើកទឹកចិត្តដល់ជនពាល ក្នុងការប្រព្រឹត្តិអំពើបំផ្លាញសេចក្តីថ្លៃថ្នូរ និងវប្បធម៌ខ្មែរ និងជាការបង្កើតទុក្ខសោក និងការឈឺចាប់តក់ស្លុតរបស់ម្តាយខ្មែរ ”។ ក្នុងនាមខ្ញុំជាម្តាយពោះម៉ាយ និងកូនស្រីរងគ្រោះដោយសារបុរស មានក្តីសុបិន្តថា ថ្ងៃណាមួយ និងទទួលបានកិច្ចការពារ និងលើកទឹកចិត្តពីសង្គមក្នុងករណីនេះ ដើម្បីស្រី្តខ្មែរ ឈប់ហូរទឹកភ្នែកពីកិច្ចបំពានពីបុរស។ រូបថតខាងក្រោមនេះ មានន័យគ្រប់គ្រាន់ក្នុងការពិចារណារបស់ស្រ្តី ខ្មែរដែលជាម្តាយ អរគុណ (រូបប្រុសកាន់កាំភ្លើង និងរូបថតកាន់ដៃគ្នា)។

ផ្តល់សិទ្ធិដោយ ដើមអម្ពិល


chanroth015-jan-213

សម្តេច ហេង សំរិន ប្រទានភ្លើង បូជាសពលោក សូរ ឃុន នៅវត្តបទុមវត្តី ម៉ោង៩ព្រឹក

នៅ ថ្ងៃទី 25,ខែ January,ឆ្នាំ 2015

ភ្នំពេញ ៖ សពអតីតរដ្ឋមន្រ្តី ក្រសួងប្រៃសណីយ៍ និងទូរគមនាគមន៍ លោក សូរ ឃុន ត្រូវបាន បូជា ហើយនៅ ម៉ោង៩ព្រឹក ថ្ងៃទី២៥ ខែមករា ឆ្នាំ២០១៥ នៅវត្តបទុមវត្តី ដោយមានការ ប្រទានភ្លើងពីសម្តេច ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា។

ក្នុងពិធីបូជាសព លោក សូរ ឃុនព្រឹកនេះ មានការចូលរួម ពីមន្រ្តីរាជរដ្ឋា ភិបាល និងរដ្ឋសភាជាច្រើនរូប។

សូមបញ្ជាក់ថា លោក សូរ ឃុន ជាតំណាងរាស្រ្តមណ្ឌលខេត្តតាកែវ ហើយជាអតីតរដ្ឋមន្រ្តី ក្រសួងប្រៃសណីយ៍ ៤អាណត្តិជាប់ៗគ្នា បានទទួលមរណៈភាព ដោយជំងឺឈាមស ស៊ីឈាមក្រហម ក្នុងអាយុ៧១ឆ្នាំ នៅម៉ោង១១ថ្ងៃត្រង់ទី២១ ខែមករា នៅគេហដ្ឋាន របស់លោក ស្ថិតក្នុងខណ្ឌទួលគោក ក្បែរផ្សារមាន់អាំង ៕

ផ្តល់សិទ្ធិដោយ ដើមអម្ពិល


chanroth015-jan-197

បញ្ជូជនសង្ស័យ ជាមេខ្លោងជួញដូរ គ្រឿងញៀនម្នាក់ ទៅតុលាការ

នៅ ថ្ងៃទី 25,ខែ January,ឆ្នាំ 2015

ភ្នំពេញ ៖ កងរាជអាវុធហត្ថ រាជធានីភ្នំពេញ នៅរសៀល ថ្ងៃ ទី ២៤ ខែមករា ២០១៥ បានបញ្ជូនខ្លួនជនសង្ស័យ ជាមុខសញ្ញាជួញដូរថ្នាំញៀនម្នាក់ ទៅកាន់សាលាដំបូងរាជធានីភ្នំពេញ ដើម្បីធ្វើការសាកសួរ និងសម្រេចតាម ច្បាប់ បន្ទាប់ពីត្រូវបានបង្ក្រាប និងឃាត់ខ្លួន កាលពីរសៀល ថ្ងៃ សុក្រ ទី ២៣ ខែ មករា ២០១៥ កន្លងទៅនេះ នៅ ភូមិចំការឪឡឹក សង្កាត់កាកាប ខណ្ឌពោធិ៍សែនជ័យ ។

មន្ត្រីអាវុធហត្ថបានឲ្យដឹងថា៖ ជនសង្ស័យខាងលើនេះ មានឈ្មោះ មាស វណ្ណា ហៅចិន ភេទប្រុស អាយុ៤៩ឆ្នាំ មានទីលំនៅ នៅ ភូមិចំការឪឡឹក សង្កាត់កាកាប ខណ្ឌពោធិ៍សែនជ័យ ។ ឈ្មោះ មាស វណ្ណា ហៅចិន  ត្រូវបាន ឃាត់ខ្លួន  កាលពីថ្ងៃរសៀលថ្ងៃសុក្រ ទី២៣ នៅចំណុចផ្ទះរបស់ជនសង្ស័យ ដូចមានទីតាំងខាងលើ និងក្រោយឃាត់ខ្លួន សមត្ថកិច្ចដកហូតបានថ្នាំញៀន ប្រភេទក្រាមពណ៌សថ្លា ចំនួន៣១កញ្ចប់តូច និងធំ មានទម្ងន់សរុប ជាកន្លះគីឡូក្រាម កាំភ្លើង កែច្នៃមួយដើម ដាវសាំម៉ូរ៉ៃមួយ កាំបិតតូចមួយ អាយកូម មួយគ្រឿង ទូរស័ព្ទ០៥គ្រឿង ម៉ូតូសង់កូរ៉េ០១គ្រឿង និងសម្ភារៈសំរាប់ប្រើប្រាស់ថ្នាំញៀន មួយចំនួនផ្សេងទៀត៕

ផ្តល់សិទ្ធិដោយ៖ ដើមអម្ពិល


Screen Shot 2015-01-23 at 9.33.47 PM

ក្មេងស្រី ម្នាក់ត្រូវ ភ្លើងឆាបឆេះ ពេញខ្លួនប្រាណ ពេលអង្គុយមើល ម្ហូបចំអិន មុខចង្ក្រាន (មានវីដេអូ)

នៅ ថ្ងៃទី 25,ខែ January,ឆ្នាំ 2015

ចិន៖ ក្មេងស្រីអាយុ៥ឆ្នាំម្នាក់រស់នៅខេត្ត Henan ប្រទេសចិន បានរលាកភ្លើងកំរិតធ្ងន់ធ្ងរ ស្ទើរតែពេញដងខ្លួនរបស់នាង ក្រោយពេល នាងត្រូវភ្លើងឆាបឆេះ ពេលអង្គុយមើលភ្លើងចង្ក្រាន តែម្តាក់ឯងនៅផ្ទះបាយ។ ក្មេងស្រីរងគ្រោះឈ្មោះ Su Xiao Xue បានជួយ ឪពុករៀបចំ បាយល្ងាចនៅផ្ទះបាន ដោយឪពុកក្មេងស្រីអោយនាងអង្គុយមើលម្ហូបកំពុងចំអិននៅក្នុងចង្ក្រាន ហើយបុរសជាឪពុក ទៅមើល កូន២នាក់ទៀត។ ក្រោយមកអ្នកជិតខាងបានឃើញក្មេងស្រី រត់ចេញពីផ្ទះ ដោយភ្លើងឆាបឆេះនាងពេញខ្លួនប្រាណ ហើយពួកគេ ក៏នាំ គ្នាជួយពន្លត់។ ភ្លាមៗនោះក្មេងស្រី Xiao Xue បានស្លាប់បាត់ស្មារតី ហើយត្រូវបានគេបញ្ចូនទៅកាន់មន្ទីរពេទ្យយ៉ាងប្រញាប់ ប្រញាល់។

 

Screen Shot 2015-01-23 at 9.33.47 PM

 

ភ្លើងបានឆាបឆេះខ្លួនប្រាណក្មេងស្រីប្រមាណ៥៥% ហើយម្រាមដៃរបស់នាងស្ទើរតែឆេះ ខ្លោចទៅហើយ។ គ្រូពេទ្យជឿជាក់ថា ក្មេងស្រី បានចាប់ធ្យូងចេញពីចង្ក្រាន បណ្តាលអោយធ្យូងធ្លាក់លើសំលៀកបំពាក់ ទើបបណ្តាលអោយឆាបឆេះពេញខ្លួនប្រាណបែបនេះ។

លោក Su ជាឪពុកក្មេងស្រី ដែលប្រពន្ធបានស្លាប់ចោលកាលពីឆ្នាំមុនបានអោយដឹងថា ពេលនេះលោកកំពុងតែជួបបញ្ហា ព្រោះត្រូវ មើលថែកូនតូច២នាក់ ត្រូវមើលថែកូនស្រីឈឺ និងត្រូវចេញទៅរកប្រាក់មកមើលជំងឺកូនទៀត។

 

ដោយ៖ ខ្មែរណូត

 

Screen Shot 2015-01-23 at 9.16.11 PM Screen Shot 2015-01-23 at 9.16.58 PM


10418496_373622606142870_3122886384346459138_n copy

អាជ្ញាធរអប្សរា ថ្កោលទោស ចំពោះរូបស្រី អាក្រាតកាយ ឈរនៅមុខប្រាសាទ

នៅ ថ្ងៃទី 25,ខែ January,ឆ្នាំ 2015

(ភ្នំពេញ)៖ យោងតាមលិខិតរបស់អាជ្ញាធរអប្សរា ដែលផ្ញើមកអង្គភាព FRESH NEWS នៅយប់ថ្ងៃទី២៤ ខែមករា ឆ្នាំ២០១៥នេះបានឲ្យដឹងថា អាជ្ញាធរអប្សរា សូមធ្វើការថ្កោលទោសយ៉ាងខ្លាំងជាទីបំផុត ចំពោះរូបភាពអាក្រាត ពាក់កណ្តាលខ្លួន របស់ស្រ្តីម្នាក់ឈរនៅប្រាសាទ ហើយបង្ហោះលើ Facebook ។ ដោយការថតរូបភាពអាក្រាតនេះ ជាអំពើដែលប្រាសចាកផ្ទុយទាំងស្រុងពីសីលធម៌ និងវប្បធម៌ខែ្មរ។ អាជ្ញាធរជាតិអប្សរា នឹងធ្វើការស្រាវជ្រាវរកការពិត ដើម្បីយកមកផ្តន្ទាទោសចំពោះការប្រព្រឹត្តបែបអាសអាភាស និងខ្វះការពិចារណានេះ។

អាជ្ញាធរអប្សរា សូមអំពាវនាវបងប្អូន ជួយផ្តល់ព័ត៌មាន ជាតម្រុញ ដើម្បីអាចឈានទៅរកការពិតនៃករណីរូបភាពនេះ៕

 

ប្រភព៖⁣ FRESHNEWS

10383891_373622602809537_8602241407971370853_n 10418496_373622606142870_3122886384346459138_n 10425852_373622609476203_7355224541932279940_n 10685518_373622626142868_4808926066123931524_n10950663_373622599476204_5167529714734640104_n10635751_373622616142869_6925962183587726748_n


25016BC300000578-0-image-a-42_1422113205324

ចំណាប់ខ្មាំងជប៉ុន ម្នាក់ត្រូវបាន សម្លាប់, ចំណែកម្នាក់ ទៀតទាមទារ ដោះដូរជាមួយស្រ្តីម្នាក់

នៅ ថ្ងៃទី 25,ខែ January,ឆ្នាំ 2015

(CNN)៖ វីដេអូមួយត្រូវបានបង្ហោះ Online បង្ហាញពីចំណាប់ខ្មាំងជនជាតិជប៉ុនម្នាក់ឈ្មោះ Kenji Goto បានកាន់រូបថតក្រុម ISIS ដែលកាត់ក្បាលចំណាប់ខ្មាំងម្នាក់ទៀតដែលមានឈ្មោះថា Haruna Yukawa។ នេះបើយោងតាមសារព័ត៌មាន CNN ចេញផ្សាយបន្តបន្ទាប់នៅយប់ថ្ងៃទី២៤ ខែមករា ឆ្នាំ២០១៥នេះ។ នៅក្នុងវីដេអូនេះ មានសម្លេងបុរសម្នាក់ មិនច្បាស់ថា ជាសម្លេងរបស់លោក Goto ពិតឬយ៉ាងណា ដែលបានសម្តែងការទិះតៀនចំពោះនាយករដ្ឋមន្ត្រីជប៉ុនសម្រាប់ការស្លាប់របស់លោកចំណាប់ខ្មាំង Yukawa។

សម្លេងនេះបានបញ្ជាក់ថា ពួកគេលែងត្រូវការប្រាក់ទៀតហើយ តែទាមទារឲ្យមានការដោះលែងអ្នកនាង Sajedah Rishawi ជាប្អូនស្រីរបស់ពួក IS ដែលត្រូវបានចាប់ខ្លួនដោយអាជ្ញាធរ ហ្ស៊កដានី ដើម្បីជាថ្នូរនឹងការដោះលែងចំណាប់ខ្មាំងម្នាក់ទៀត។ ការលើកឡើងនោះបន្តថា ក្រុមឧទ្ទាមបានផ្តល់ពេលខ្លះដល់ជប៉ុន ហេតុនេះពួកគេ នឹងធ្វើនូវអ្វីដែលគេបាននិយាយ»។

25016BC300000578-0-image-a-42_1422113205324

 


K-1575

គ្រូសូត្រស្តាំ វត្តអង្គស្នៀត ត្រូវ​ឃាតក​បាញ់​សម្លាប់​ពេល​កំពុង​ទេសនា

នៅ ថ្ងៃទី 25,ខែ January,ឆ្នាំ 2015

កំពង់ស្ពឺ៖ ព្រះគ្រូសូត្រស្តាំ វត្តអង្គស្នៀត ស្ថិតនៅក្នុងភូមិថ្មីឃុំតាំងក្រូច ស្រុកសំរោងទង ខេត្តកំពង់ស្ពឺ កាលពីវេលាម៉ោង ៨៖៣០នាទីយប់ថ្ងៃទី២៤ ខែមករា ឆ្នាំ២០១៥ ត្រូវបានឃាតកមិនស្គាល់មុខបាញ់សម្លាប់ បណ្តាលឲ្យសុគតភ្លាមៗនៅក្នុងពិធីបុណ្យមួយ ខណៈដែលព្រះអង្គកំពុងទេសនា បានប្រមាណ ៥នាទី ។

លោក វិន លេងហួរ មេបញ្ជាការអាវុធហត្ថស្រុកសំរោងទង បានប្រាប់មជ្ឈមណ្ឌលព័ត៌មានដើមអម្ពិល តាមទូរស័ព្ទថា មុនពេលមានអំពើឃាតកម្ម ដ៏ព្រៃផ្សៃនេះកើតឡើងបានកើតឡើង លោក គង់ ឌឹម អាយុ ៦៥ឆ្នាំ បានរៀបចំពិធីបុណ្យខួបកូនប្រុសរបស់ខ្លួន ដែលបានស្លាប់កាលពី ១ឆ្នាំមុន ដោយសារគ្រោះថ្នាក់ចរាចរណ៍ ហើយម្ចាស់បុណ្យបានទៅនិមន្តព្រះ អង្គ ម៉ឹង អ៊ំ ព្រះជន្ម ៧៦ព្រះវស្សា ជាគ្រូសូត្រស្តាំនៅវត្តអង្គស្នៀត ដើម្បីមកទេសនា ។

លោក វិន លេងហួរ បានបន្តទៀតថា ខណៈដែលព្រះអង្គកំពុងគង់ទេសនាបានប្រមាណ ៥នាទី ស្រាប់តែមានជនមិន ស្គាល់បាញ់ពីក្រោយ ១គ្រាប់ បណ្តាលឲ្យចំព្រះកេសសុគតភ្លាមៗ បង្កឲ្យមានការភ្ញាក់ផ្អើល ប្រែប្រួលក្លាយពីភាពសប្បាយរីករាយ ទៅជាទុក្ខសោកភ្លាមៗមួយរំពេច ។

សម្រាប់អំពើឃាតកម្មលើកាយព្រះសង្ឃ ដ៏សាហាវព្រៃផ្សៃនេះ ត្រូវបានមេបញ្ជាការអាវុធហត្ថស្រុកសំរោងទងសន្និដ្ឋាន ថា ជារឿងគំនុំ ហើយបាននឹងកំពុងបើកការស្រាវជ្រាវ យ៉ាងយកចិត្តទុកដាក់ជាមួយនឹងក ម្លាំងនគរបាល ដើម្បីតាមប្រមាញ់ឃាតកលាក់មុខនោះ ៕

ផ្តល់សិទ្ធិដោយ៖ ដើមអម្ពិល


T-0394

ស្រវឹងស្រា ដេកលើផ្លូវរថភ្លើង ត្រូវរថភ្លើងកិន ដាច់ដៃ-ជើង មួយចំហៀង មិនស្លាប់

នៅ ថ្ងៃទី 25,ខែ January,ឆ្នាំ 2015

ព្រះសីហនុ ៖ បុរសម្នាក់ ត្រូវបានរថភ្លើងកិនដាច់ដៃខាងស្តាំ ១កំណាត់ និងជើងខាងស្តាំ១ កំណាត់ ដោយសារតែ ការស្រវឹងស្រាទៅដេកនៅលើផ្លូវរថភ្លើង ។ ហេតុការណ៍នេះ បានកើតឡើង នៅវេលាម៉ោង ១២:៣០ នាទី អធ្រាត្រ ឈានចូលថ្ងៃទី២៤ ខែមករា ឆ្នាំ២០១៥ ស្ថិតក្នុងភូមិ៣ (ទំនប់រលក) សង្កាត់លេខ១ ក្រុងព្រះសីហនុ ។

សាក្សីនៅជិតកន្លែងកើតហេតុ បានឲ្យដឹងថា បុរសម្នាក់នេះ មាន ឈ្មោះ ដែន អាយុប្រហែល ៣០ ឆ្នាំ ជាកម្មករ នេសាទតាមទូក ស្នាក់នៅមិនពិតប្រាកដ ។ ប្រភពដដែលបានបន្តទៀតថា អ្នកស្រុកបានឃើញឈ្មោះ ដែន នេះ នៅ អង្គុយផឹកស្រា នៅផ្ទះអ្នកលក់ស្រា នៅជិតនឹងផ្លូវរថភ្លើងអស់ជាច្រើនលីត្រ ហើយក៏ស្រវឹងមិនដឹងខ្លួន ហើយដើរ ស្រែកឡូឡា តាមបណ្តោយផ្លូវរថភ្លើង បន្តិចក្រោយមក ក៏មានរថភ្លើងរត់កាត់ ក៏ឮមនុស្សស្រែកថា ឈ្មោះ ដែន ត្រូវ រថភ្លើងកិនដាច់ដៃ និងដាច់ជើង តែមិនស្លាប់ ។ ខណៈពេលនោះ ក៏មានរថយន្តពេទ្យមកដឹកឈ្មោះ ដែន ទៅព្យាបាល នៅមន្ទីរពេទ្យបង្អែក ចំការចេក ខេត្តព្រះសីហនុតែម្តង ៕

ផ្តល់សិទ្ធិដោយ៖ ដើមអម្ពិល


password1

លេខកូដសំងាត់ទាំង១០ ដែលគេនិយម ដាក់បំផុត ហើយក៏ងាយ លួចបំផុតដែរ ក្នុងឆ្នាំ២០១៤

នៅ ថ្ងៃទី 24,ខែ January,ឆ្នាំ 2015

នាពេលបច្ចុប្បន្ននេះ លេខកូដសំងាត់ គឺជាផ្នែកមួយនៃជីវិតរបស់មនុស្ស ព្រោះតែងតែប្រើប្រាស់វាជាប្រចាំថ្ងៃដូចជាលេខកូដសំងាត់ ធនាគារ អ៊ីម៉ែល បណ្តាញសង្គម ទូរស័ព្ទដៃ កុំព្យួទ័រ រឺថេបប្លែត ជាដើម ហើយប្រសិនបើមានជនអាក្រក់ណាម្នាក់ដឹងលេខ កូដសំងាត់ របស់យើង គេអាចចូលទៅលួចប្រាក់ រឺក៏ទិន្នន័យផ្សេងរបស់យើងបានយ៉ាងងាយ។

ខាងក្រោមនេះគឺជាបណ្តាលេខកូដសំងាត់ទាំង១០ ដែលគេពេញនិយមដាក់បំផុត ហើយក៏ងាយស្រួលលួចបំផុតដែរនៅក្នុង ឆ្នាំ២០១៤។ ប្រសិនបើលេខកូដសំងាត់របស់អ្នកទាំងអស់គ្នាងាយស្រួលដូចខាងក្រោម ចូលប្តូរវាដាក់លេខ ដែលពិបាក ហើយមានតែអ្នក ទើបដឹង ដើម្បីជៀសវាងកុំអោយមានបញ្ហា។

 

ដោយ៖ ខ្មែរណូត

 

worst-passwords-of-2014


Ravuth-471

អត្ថប្រយោជន៍ ទាំង១១យ៉ាង ទទួលបានពីប្រេងល្ង

នៅ ថ្ងៃទី 24,ខែ January,ឆ្នាំ 2015

បរទេស៖ ប្រេងល្ងសម្បូរទៅដោយវិតាមីន E, B complex សារធាតុរ៉ែ ម៉ាញេស្យូម កាល់ស្យូម ផូស្វ័រ និងប្រូតេអ៊ីនជាច្រើន ដែលអាចជួយចិញ្ចឹម និងពង្រឹងរឹសគល់នៃសរសៃសក់របស់អ្នក ឲ្យមានសុខភាពល្អបាន។ ខាងក្រោមនេះ ជាអត្ថប្រយោជន៍ទាំង១១យ៉ាងទទួលបានពីប្រេងល្ង៖

១. ជួយព្យាបាលសក់ប្រែពណ៌
ប្រសិនបើអ្នកមានបញ្ហាសក់ប្រែពណ៌ ឬសរសៃសក់មិនល្អ អ្នកអាចយកប្រេងល្ងមកម៉ាស្សានៅលើសរសៃជារៀងរាល់ថ្ងៃ ដើម្បីធ្វើឲ្យសក់របស់អ្នក មានសុខភាពល្អ និងប្រែពណ៌មកជាខ្មៅវិញបាន។

២. ជួយដល់ការលូតលាស់របស់សក់
ប្រេងល្ងមានសមត្ថភាព ជួយបង្កើនការលំហូរនៃចរន្តឈាម នៅលើស្បែកក្បាល ឲ្យមានភាពប្រសើរទ្បើង ដែលអាចជួយដល់ការ លូតលាស់ របស់សក់ និងធ្វើឲ្យសក់ខូចប្រែមកជាមានសុខភាពល្អទ្បើងវិញបាន។

៣. ការពារសរសៃសក់ពីការយារយីរបស់ពន្លឺព្រះអាទិត្យ
ប្រេងល្ងក៏ជាទ្បេការពារធម្មជាតិមួយ សម្រាប់លាបនៅលើសរសៃសក់ ដើម្បីជួយការពារសក់ខូច ដោយសារពន្លឺ ព្រះអាទិត្យ។

៤. ជួយកម្ចាត់ចៃ
ដោយគ្រាន់តែម៉ាស្សាប្រេងល្ងនៅលើសរសៃសក់ រួចលាងចោលជាមួយសាប៊ូជាប្រចាំ អាចជួយកម្ចាត់ចៃនៅលើ ស្បែកក្បាលបាន យ៉ាងមាន ប្រសិទ្ធភាព។

៥. ជួយឲ្យសក់រលោង
តាមការសិក្សាបានបង្ហាញថា ប្រេងល្ងមានតួនាទីយ៉ាងសំខាន់ ក្នុងការជួយធ្វើឲ្យសក់របស់អ្នក មានសភាពរលោង។

៦. បំបាត់បញ្ហាអង្គែ
ប្រសិនជាអ្នកកើតមានអង្គែ អ្នកអាចសាកល្បងយកប្រេងល្ងមកលាបនៅលើ ស្បែកក្បាល ដោយប្រើម្រាមដៃ ម៉ាស្សាថ្នមៗ ជារៀងរាល់យប់មុននឹងចូលគេង ប្រហែលជារយៈពេល ៣០ ថ្ងៃប៉ុណ្ណោះ បញ្ហាអង្គែនឹងត្រូវបានបំបាត់។

៧. ជួយបំបាត់បញ្ហាស្បែកក្បាលស្ងួត
សូមកុំបារម្ភឲ្យសោះ ប្រសិនជាអ្នកកើតមានបញ្ហាស្បែកក្បាលស្ងួត ព្រោះប្រេងល្ងអាចជួយបំបាត់បញ្ហានេះបានដោយ គ្រាន់តែយក វាលាយជាមួយ នឹងទឹកក្រូចឆ្មាបន្តិច រួមយកមកលាបនៅលើ ស្បែកក្បាល ដោយប្រើម្រាមដៃម៉ាស្សា ជារាងរង្វង់ បន្ទាប់មកទុកវាមួយយប់ចោល ហើយចាំលាងសម្អាតចេញនៅពេលព្រឹកជាការស្រេច។

៨. ជួយធ្វើឲ្យសរសៃសក់មានពន្លឺ
សក់ស្ងួតជាមូលហេតុដ៏ចម្បង ដែលនាំឲ្យសរសៃសក់មានសភាពស្រអាប់ ហេតុដូចនេះ អ្នកគួរតែយកប្រេងល្ង មកលាបនៅលើសរសៃសក់ ដើម្បីជួយផ្តល់សំណើម និងធ្វើឲ្យសរសៃសក់ មានភាពភ្លឺរលោង។

៩. ជួយធ្វើឲ្យសរសៃសក់មានទម្ងន់
ដោយគ្រាន់តែយកប្រេងល្ង មកលាបនៅលើសរសៃសក់ រួចទុករយៈពេលមួយម៉ោង បន្ទាប់មកលាងជាមួយសាប៊ូចេញ អាចជួយធ្វើឲ្យ សរសៃសក់របស់អ្នកមានទម្ងន់បាន។

១០.ជួយធ្វើឲ្យសរសៃរស់រវើក
សារធាតុប្រូតេអ៊ីន និងវីតាមិនជាច្រើន ដែលមាននៅក្នុងប្រេងល្ង អាចជួយធ្វើឲ្យសរសៃសក់ខូច ប្រែមកជាមានភាព រស់រវើកវិញបាន។

១១. ជួយបំបាត់បញ្ហាសក់ជ្រុះ
ភាពតប់ប្រមល់ ឬការតានតឹងនៅក្នុងអារម្មណ៍ អាចបណ្ដាលឲ្យសក់របស់អ្នកជ្រុះបាន ក៏ប៉ុន្តែការយកប្រេងល្ង មកលាបនៅលើស្បែកក្បាល ហើយម៉ាស្សាដោយប្រើម្រាបដៃថ្នមៗ ជារៀងរាល់យប់ អាចជួយបំបាត់បញ្ហាជ្រុះសក់៕

ផ្តល់សិទ្ធិដោយ​ lookingtoday


Screen Shot 2015-01-24 at 10.45.46 AM

លោកយាយ វ័យ ៧០ឆ្នាំ សំរេចចិត្ត វះកាត់កែដើមទ្រូង ព្រោះឈឺចិត្ត គេសើចចំអក (មានវិដេអូ)

នៅ ថ្ងៃទី 24,ខែ January,ឆ្នាំ 2015

តៃវ៉ាន់៖ រឿងគួរអោយភ្ញាក់ផ្អើលមួយ មិនធ្លាប់មានពីមុន បន្ទាប់លោកយាយវ័យ ៧០ឆ្នាំ ម្នាក់បានទៅធ្វើការ វះកាត់កែដើមទ្រូង អោយមូលក្លំ កុំអោយចាញ់នារីវ័យក្មេង។ ជាការពិតណាស់ ការវះកាត់ កែដើមទ្រូងអោយ ធំមូលស្អាត វាជារឿងធម្មតា សំរាប់ យុវវ័យ សម័យទំនើប ដែលចង់បាន សម្រស់ដើមទ្រូងស្អាត មានការទាក់ទាញ។ តែសម្រាប់ លោកយាយ វ័យ ៧០ឆ្នាំ ដែលមិនត្រូវបាន គេបញ្ជាក់ អត្តសញ្ញាណ ម្នាក់នេះ ទៅធ្វើការ វះកាត់កែដើមទ្រូង ព្រោះតែ មានពាក្យ ចំអកចំអន់ថា គាត់មានដើមទ្រូង យារធ្លាក់ ដូចជាបាល់អស់ខ្យល់។ អ្វីដែលលើសពីនេះទៅទៀតនោះគឺ កូនស្រី របស់គាត់ បានបញ្ជូនគាត់ ទៅកាន់គ្លីនីក វះកាត់កែដើមទ្រូង ដើម្បីធ្វើការ ព្រឹក្សាយោបល់ ពីក្រុមគ្រូពេទ្យជំនាញ ដែលនេះបានន័យថា សូម្បីតែកូនស្រី របស់លោកយាយ ក៍ឈឺចាប់ នឹងពាក្យសំដី ចំអកចំអន់ អោយម្តាយរបស់ខ្លួនដែរ។ គួរបញ្ជាក់ផងដែរថា ការវះកាត់កែដើមទ្រូង មួយនេះ លោកយាយបាន ចំណាយប្រាក់អស់ ៥៥០០ ដុល្លារ សហរដ្ឋអាេមរិក ដែលប្រត្តិបត្តិការណ៍វះកាត់ ត្រឹមតែ ៩០នាទីតែប៉ុននោះ គាត់ទទួលបាន ដើមទ្រូងទំហំ​ C Cup ផងដែរ។ ក្រុមគ្រូពេទ្យបាន និយាយថា ពួកគេបានចាក់បញ្ចូល សារធាតុ (Saline) ទៅក្នុងដើមទ្រូង របស់លោកយាយ ដើម្បីអោយ ដើមទ្រូង មូលស្អាត ដូចធម្មជាតិ ហើយក្រុមគ្រូពេទ្យ ទាំងនេះ បានបន្ថែមដែរថា លោកយាយជា អ្នកជំងឺដែល មានវ័យចំណាស់ជាងគេ ក្នុងចំណោម អ្នកដែលធ្វើការ វះកាត់កែដើមទ្រូង ដែលមិនធ្លាប់ជួបពីមុនមក។ តើប្រិយមិត្តយល់យ៉ាងណាការ ប្រថុយនឹងគ្រោះថ្នាក់ ដើម្បីគ្រាន់តែវះកាត់កែដើមទ្រូង របស់លោកយាយ ព្រោះតែពាក្យចំអកចំអន់ របស់អ្នកដទៃ?

ដោយ៖ ខ្មែរណូត

Screen Shot 2015-01-24 at 10.45.46 AM


that-0455

អគ្គិភ័យ ឆាបឆេះផ្ទះតូប លក់ទំនិញចម្រុះ ទាំងស្រុង ខូចខាតថវិកា សរុបប្រមាណ ជាង២ម៉ឺនដុល្លារ សំណាងល្អ គ្មានអ្នកស្លាប់ និងរងរបួស នៅស្រុកមង្គលបុរី

នៅ ថ្ងៃទី 24,ខែ January,ឆ្នាំ 2015

បន្ទាយមានជ័យ៖ ករណីឆាបឆេះផ្ទះតូបទាំងស្រុង និងឆេះរាលដាលបន្តផ្ទះ១ខ្នងទៀត មិនបណ្តាលឲ្យអ្នកណា រងរបួសម្នាក់នោះទេ ហេតុការណ៍គ្រោះ អគ្គិភ័យនេះ នៅវេលាម៉ោងប្រមាណ៥ទៀបភ្លឺ ឈានចូលថ្ងៃទី ២៤ ខែមករា ឆ្នាំ២០១៥ ភូមិព្រែករពៅ ឃុំឫស្សីក្រោក ស្រុកមង្គលបុរី  ខេត្តបន្ទាយមានជ័យ និងមានការអន្តរាគមន៍ ពីលោកស្នងការខេត្ត អាត់ ខែម និងកម្លាំងនគរបាលស្រុក ខេត្តជាច្រើនរូប អន្តរាគមន៍រថយន្តពន្លត់អគ្គិភ័យ ចំនួន៣គ្រឿង បាញ់ទឹកពន្លត់ ទោះបីជាយ៉ាងណា មិនបង្កឲ្យមានគ្រោះថ្នាក់ដល់អាយុជីវិតពលរដ្ឋឡើយ។

លោក ស៊ី ឌី អធិការដ្ឋាននគរបាល ស្រុកមង្គលបុរី បានប្រាប់ឲ្យដឹងថា ក្រោយពីមានសេចក្តីរាយការណ៍ មានករណីឆាបឆេះផ្ទះពលរដ្ឋ១ខ្នង និងរាលដានបន្ត លោកបានរាយការណ៍ បន្តទៅលោកស្នងការខេត្ត និងអន្តរាគមន៍រថយន្តពន្លត់អគ្គិភ័យ នៃស្នងការខេត្តភ្លាមៗតែម្តង ដើម្បីបញ្ចៀសការឆេះរាលដាល បន្តបន្ថែមទៀត។

លោកបានបន្តថា  ករណីឆេះផ្ទះរងគ្រោះឈ្មោះ ឆន ឆេន ភេទស្រី អាយុ៤០ឆ្នាំ និងប្តីឈ្មោះជា ថន អាយុ ៦៣ឆ្នាំ ប្រកបមុខរបលក់ដូរទំនិញចាប់ហួយ រស់នៅភូមិហេតុខាងលើនេះ នៅខណៈដែលបញ្ចប់ការលក់ដូរ នៅម៉ោង២ និង៣០ទៀបភ្លឺថ្ងៃដដែល ហើយបិទទ្វារចាក់សោ ទៅសំរាកនៅផ្ទះមួយផ្សេងទៀត បណ្ដាលឲ្យខូចខាតមាន ផ្ទះទំហំ៥គុណ១៨ម៉ែត្រ ធ្វើផ្ទាល់ដីពីបេតុងប្រក់ស័ង្កសី ខូចខាត៨០ភាគរយ និងខូចខាតសម្ភាររួមមាន ,ស្រាបៀរចំនួន ១៦០កេស,ទឹកផ្លែឈើចំនួន ៤០កេស,សាំង និងម៉ាស៊ុតចំនួន ២៥ប៊ីដុង, សាំងដបចំនួន ១៤០លីត្រ, ហ្គាសចំនួន ១៥ដប, ទូដាក់គ្រឿងកំប៉ុងចំនួន៥គ្រឿង ,គ្រែ១, ខារ៉ាអូខេ ២ឈុត, ប្រាក់ដុល្លារចំនួន ៥ពាន់ដុល្លារ និងតម្លៃផ្ទះ១ម៉ឺនដុល្លារ ។

លោកអធិការបន្ថែមថា ករណីខាងលើនេះ ក៏បានឆេះឆ្លងដល់ផ្ទះឈ្មោះ ឆន វួចអ៉ីម ភេទស្រី អាយុ៣៦ ឆ្នាំ មានទំហំ ៩គុណ១២ម៉ែត្រ ធ្វើពីឈើប្រក់ស័ង្កសី ខូចខាតប្រមាណ ២០ភាគរយ ចំណែកការខូចខាត ពុំមានសម្ភារក្នុងផ្ទះនោះទេ។

ករណីខាងលើនេះ កម្លាំងនគរបាលបាល និងកម្លាំងប្រជាពលរដ្ឋជាច្រើននាក់ បានជួយយកទឹក បាញ់ពន្លត់អគ្គិភ័យខាងលើនេះ ម្នាក់មួយដៃមួយជើងផងដែរ ដោយសារតែករណីនេះ មានឆាបឆេះសាំង ម៉ាស៊ុត និងហ្គាសផងដែរ ដូច្នេះអណ្តាលភ្លើងឆេះ សន្ធោសន្ធៅ និងបានប្រើប្រាស់ រថយន្តបាញ់ពន្លត់អគ្គិភ័យ ចំនួន ៣គ្រឿង និងបំពង់ពន្លត់អគ្គិភ័យ ជាច្រើនធុងផងដែរ ដោយអស់រយៈពេល ប្រមាណ១ម៉ោង ទើបពន្លត់ជាស្ថានពរ ១០០ភាគរយ។

ក្រោយពីកើតហេតុ សមត្ថកិច្ចជំនាញ បានសន្និដ្ឋានថា ផ្ទះខាងលើបើកខារ៉ាអូខេ មានលក់សាំង ម៉ាស៊ុត និងលក់ហ្គាស មូលហេតុ អាចបណ្ដាលមកពីផ្ទុះកំប៉ុងហ្គាស និងទុស្សេចរន្តខ្សែអគ្គិសនីផងដែរ៕

ផ្តល់សិទ្ធិដោយ ដើមអម្ពិល

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News


hour-0566

វាសនាជនជាតិជប៉ុន ដែលត្រូវពួក ISIS ចាប់ខ្លួន នៅមិនទាន់ដឹង

នៅ ថ្ងៃទី 24,ខែ January,ឆ្នាំ 2015

តូក្យូ៖ ជោគវាសនានៃ ជនជាតិជប៉ុនពីររូប ដែលក្រុមឧទ្ទាមរដ្ឋឥស្លាម ISIS អះអាងថាបាន ចាប់ខ្លួនកាលពីថ្ងៃអង្គារ សប្តាហ៍នេះ ត្រូវបានមន្ត្រីជាន់ខ្ពស់ ជប៉ុនអះអាងថា នៅមិនទាន់ដឹង ច្បាស់ថា ទៅជាយ៉ាងណានៅឡើយទេ ព្រោះចាប់តាំងពីការទាមទារលុយលោះ ២០០ លានដុល្លារអាមេរិក និង ផ្តល់ពេលកំណត់ ៧២ម៉ោងនោះ រហូតមកដល់ថ្ងៃសៅរ៍ ទី២៤ ខែមករា ឆ្នាំ ២០១៥ នេះ ដំណឹងអ្វីបន្តិចក៏គ្មានទៀតដែរ។

ទីភ្នាក់ងារព័ត៌មានជប៉ុន ក្យូដូ ចេញផ្សាយដោយលើកឡើងពី សម្តីរបស់លោក យ៉ាស៊ីហ៊ីដេ ណាកាយ៉ាម៉ា មន្ត្រីជាន់ខ្ពស់ផ្នែកការទូតរបស់ជប៉ុន បានអះអាងថា បើតាមកងកម្លាំងពិសេស ដែលយើងបានបញ្ជូន ទៅតាមដាននៅទីក្រុង អំាមែន របស់ប្រទេសហ្សកដានី បានរាយ ការណ៍កាលពីយប់ថ្ងៃសុក្រ ជាថ្ងៃនៃពេលកំណត់នោះថា ស្ថានភាពគឺតានតឹង ខ្លាំងណាស់ ។

មន្ត្រីជប៉ុនរូបនេះបញ្ជាក់ដូច្នេះថា “ប៉ុន្តែយើងនៅតែព្យាយាម ស្វែងរកព័ត៌មាន និង ប្រមូល ផ្តុំអ្វីដែលពាក់ព័ន្ធទាំងអស់ ។ យើងជាមួយនឹងរដ្ឋាភិបាល នឹងដោះស្រាយវាជាមួយគ្នា ហើយ ត្រូវតែធ្វើការជួយ សង្គ្រោះជីវិតមនុស្ស ជារឿងសំខាន់បំផុត។ លោក ណាកាយ៉ាម៉ា អះអាងថា លោកនឹងស្នាក់នៅរដ្ឋធានី របស់ប្រទេសហ្សកដានី បន្តទៀត ដើម្បីរៀបចំបញ្ជា ដោយផ្ទាល់ លើកងកម្លាំង ពិសេសជប៉ុននៅទីនោះ ៕”

ផ្តល់សិទ្ធិដោយ៖ ដើមអម្ពិល


B79VHd9CIAI5WFp

Odegaard កីឡាករបាល់ទាត់ វ័យ១៦ឆ្នាំ ទើបចូលក្លឹប Real Madrid ដឹងអត់ថា តំលៃខ្លួនគាត់ប៉ុន្មាន?

នៅ ថ្ងៃទី 24,ខែ January,ឆ្នាំ 2015

ទើបតែចុះកុងត្រាចូលលេងអោយក្លឹបបាត់ទាត់ដ៏ល្បីឈ្មោះ Real Madrid កីឡាករបាត់ទាត់វ័យក្មេងអាយុ១៦ឆ្នាំ Martin Odegaard កំពុងតែមានឈ្មោះបោះសំលេង ដោយសារតែបច្ចេកទេសលេងបាល់ដ៏ប៉ិនប្រសប់របស់គេ ហើយអ្វីដែលធ្វើអោយអ្នកគាំទ្រ រិតតែចាប់ អារម្មណ៍នោះ គឺប្រាក់ខែរបស់គាត់។

ក្លឹប Real Madrid បានចំណាយប្រាក់ ២.៣លានផោន ទិញ Odegaard ពីក្លឹប Norwegian Club Stormsgodset ហើយ សំរាប់ប្រាក់កំរៃរបស់ Odegaard ទទួលបាន ៨ម៉ឺនផោនក្នុង មួយសប្តាហ៍។ Martin Odegaard បានអោយដឹងថា “លោកសឹង តែមិន ជឿថាបានលេងនៅ ក្នុងក្លឹបដ៏ធំជាងគេលើពិភពលោក។ លោកពិតជាមានកិត្តិយសណាស់ ហើយវាជាក្តីស្រមៃមួយ ដែលបាន ក្លាយជាការពិត”។

Odegaard នឹងត្រូវធ្វើការហ្វឹកហាត់ជាមួយមិត្តរួមក្រុម ទាំងធ្វើជាកីឡាករបំរុង និងការលេង នៅទីលាន ដែលគ្រូបង្វឹក គឺអតីតកីឡាករបាល់ទាត់សញ្ជាតិបារាំង លោក Zinedine Zidane។

 

ដោយ៖ ខ្មែរណូត

 

B79VHd9CIAI5WFp

(ពីឆ្វេងទៅស្តាំ) Sergio Ramos, Martin Odegaard និង Cristiano Ronaldo

 


hour-0560

គេដាំក្រូចលើកដំបូង​​ នៅឯណា ?

នៅ ថ្ងៃទី 24,ខែ January,ឆ្នាំ 2015

ក្រូចត្រូវបានគេដាំ ដំបូងនៅក្នុងផ្នែកខ្លះ នៃប្រទេសនៅអាស៊ី ដែលឥឡូវមាននៅ ឥណ្ឌា ភូមា និង ប្រទេសចិន ភាគនិរតី ។ ក្រូចជាដំណាំ ចាស់ជាងគេ បង្អស់ក្នុងចំណោមផ្លែឈើ កសិកម្ម ។ ប្រជាជនបានដាំក្រូច ច្រើនជាងគេ ៤០០០ឆ្នាំមកហើយ ។ នៅឆ្នាំ៨០០ នៃគ្រិស្តសករាជ ពាណិជ្ជករជនជាតិ អារ៉ាប់ បានណែនាំក្រូច ទៅក្នុងប្រទេសអាហ្វ្រិក ភាគខាងកើត និង កណ្តាល ។

នៅក្នុងសតវត្សទី១៥ អ្នកធ្វើដំណើរជនជាតិ ព័រទុយហ្គាល់ (Portugurse) បាននាំ យកក្រូចពីប្រទេសឥណ្ឌា ទៅកាន់អឺរ៉ុប ។ អ្នករុករកជនជាតិអ៊ីតាលី (Christopher Columbus បាននាំយកក្រូច ទៅកាន់ប្រទេសអាមេរិក ក្នុងឆ្នាំ១៤៩៣ ។ ក្នុងអំឡុងសតវត្យទី១៦ អ្នកតាំង ទីលំនៅជនជាតិអឺរ៉ុប បានដាំ ដើមក្រូចនៅហ្ល័រីដា (Florida) និងប្រេស៊ីល ។ ចំការក្រូចដំបូង គេនៅ កាលីហ្វ័រញ៉ា (California) បានបង្កើតឡើង ដោយអ្នកផ្សព្វផ្សាយ សាសនា ជនជាតិ អេស្បាញ នៅចុងសតវត្សទី១៨ ។ប្រភេទក្រូចសំខាន់ៗគេដាំសព្វថ្ងៃនេះ បានត្រូវជ្រើសរើស ក្នុងកំឡុងពេលនៃ សតវត្សទី១៩ ។ ប្រភេទ ក្រូចថ្មីៗ មួយចំនួនបានត្រូវគេ អភិវឌ្ឍក្រោយ មកទៀតដោយបង្កាត់ ពូជក្រូចជាមួយ និងទំពាំងបាយជូ និងក្រូចឃ្វិច ។

ហេតុការណ៍ពិត ក្រូចគឺជាផ្លែឈើមួយកម្រ និងថ្លៃហើយមានមនុស្ស ដ៏ច្រើនបរិភោគវា វាអាច ជួយព្យាបាលផងដែរ ។ សព្វថ្ងៃនេះ ដោយសារមាន ការកែលំអខាងផ្នែកដាំដុះ មនុស្សភាគ ច្រើនប្រឹងប្រែង លើការដាំក្រូច និងផលិតទឹកក្រូច បានពេញមួយឆ្នាំ ៕

ផ្តល់សិទ្ធិដោយ៖ Lookingtoday


Screen Shot 2015-01-22 at 10.04.37 PM

ប្រុសស្រី២នាក់ ស្គាល់គ្នា តាមអនឡាញ បានណាត់ជួបគ្នា នៅសណ្ឋាគារ មានអីតាមពិត នារីនោះជាមនុស្សប្រុសសោះ (មានវីដេអូ)

នៅ ថ្ងៃទី 24,ខែ January,ឆ្នាំ 2015

ចិន៖ កាលពីពេលថ្មីៗកន្លងទៅនៅក្នុងតំបន់ Xinjiang ប្រទេសចិន ស្ត្រីជាអ្នករកស៊ីផ្លូវភេទ ម្នាក់ត្រូវប៉ូលីសចាប់ខ្លួន ប៉ុន្តែអ្វីគួរ អោយហួសចិត្ត គឺស្ត្រីនោះ តាមពិតជាបុរសតែងខ្លួនសោះ។ អ្នកគ្រប់គ្រងសណ្ឋាគារបានទូរស័ព្ទហៅប៉ូលីស ក្រោយពីមានប្រុស ស្រី២នាក់បានជួលបន្ទប់ សណ្ឋាគារដេក ដោយអ្នកគ្រប់គ្រងនោះសង្ស័យស្ត្រីនោះជាស្ត្រីរកស៊ីផ្លូវភេទ ហើយពេលប៉ូលីសមកដល់ក៏ ចាប់ខ្លួនប្រុសស្រីទាំង២នាក់នោះទៅប៉ុស្តិ៍ ដើម្បីធ្វើការសាកសួរ។

 

Screen Shot 2015-01-22 at 10.04.37 PM

 

ប៉ូលីសមានការភ្ញាក់ផ្អើលយ៉ាងខ្លាំង ពេលប្រុសស្រី២នាក់នោះប្រគល់អត្តសញ្ញាណប័ណ្ណ អោយប៉ូលីសធ្វើការត្រួតពិនិត្យ ហើយក្នុង អត្តសញ្ញាណប័ណ្ណស្ត្រីនោះតាមពិតជាបុរសមាន ឈ្មោះ Chen។ ក្រោយប៉ូលីសដឹងការពិត លោក Chen ក៏បានដោះសក់ ក្លែងក្លាយ ចេញនៅប៉ុស្តិ៍ប៉ូលីសតែម្តង។ ចំនែកឯបុរសម្នាក់ទៀតនោះ មិនដឹងថា លោក Chen ជាមនុស្ស ប្រុសតែងខ្លួនជាស្រីឡើយ ដោយពួក គេបានស្គាល់គ្នាតាមអិនធើណេត ហើយបានណាត់ជួបគ្នាឡើងសណ្ឋាគារតែម្តង។

លោក Chen បានអោយដឹងថា លោកមានអត្តចរិក និងចូលចិត្តសំលៀកបំពាក់ស្រីៗ តាំងពីតូចមកម្ល៉េះ។ លោក Chen និងបុរស ម្នាក់ទៀតត្រូវផន្តទាទោសជាប់ពន្ធនាគាររយៈពេល១៥ថ្ងៃ ពីបទពេស្យាចារ។

 

ដោយ៖ ខ្មែរណូត


Copyright © 2015 Khmer-note.com.All Rights Reserved. Develop by OT-GROUP.NET Hosted By